തൃശൂര്: ഗുരുവായൂര് ക്ഷേത്രത്തിന് വഴിപാടായി ലഭിച്ച മഹീന്ദ്ര ഥാര് വീണ്ടും ലേലം ചെയ്തു. 43 ലക്ഷം രൂപയ്ക്ക് അങ്ങാടിപ്പുറം സ്വദേശിയും പ്രവാസി വ്യവസായിയുമായ വിഘ്നേഷ് വിജയകുമാറാണ് വാഹനം സ്വന്തമാക്കിയത്. മേല്പ്പത്തൂര് ഓഡിറ്റോറിയത്തില് നടന്ന പുനര്ലേലത്തില് 15 പേരാണ് പങ്കെടുത്തത്. 15 ലക്ഷമായിരുന്നു വാഹനത്തിന്റെ അടിസ്ഥാന വില. 43 ലക്ഷം രൂപയ്ക്ക് പുറമേ ജി.എസ്.ടിയും വാഹനം സ്വന്തമാക്കിയ ആള് നല്കണം.
വാഹനം സ്വന്തമാക്കിയ വിഘ്നേഷ് വിജയകുമാര് ദുബായിലെ വെല്ത്ത് ഐ ഗ്രൂപ്പ് ഓഫ് കമ്പനീസിന്റെ എം.ഡിയാണ്.
