ന്യൂഡല്ഹി: പ്രതിപക്ഷത്തിന്റെ എതിര്പ്പിനെ തുടര്ന്ന് വഖഫ് ഭേദഗതി ബില് സംയുക്ത പാര്ലമെന്ററി സമിതിക്ക് വിട്ടു
കേന്ദ്ര വഖഫ് കൗണ്സിലന്റെയും സംസ്ഥാന ബോര്ഡുകളുടേയും അധികാരങ്ങള് കുറച്ചുകൊണ്ട് സര്ക്കാരിന്റെ നിയന്ത്രണം ശക്തമാക്കുന്ന ബില്ലിനെ ലോക്സഭയില് പ്രതിപക്ഷം എതിര്ത്തത്. പ്രതിപക്ഷം. ക്ഷേത്രഭരണത്തില് മുസ്ലിംകളെ ഉള്പ്പെടുത്താറുണ്ടോ എന്നു ചോദിച്ചായിരുന്നു ഇന്ത്യാ സഖ്യത്തിന്റെ പ്രതിഷേധം. ഭരണഘടനയുടെ ശക്തമായ ലംഘനമാണു നടക്കുന്നതെന്നു കേരളത്തില്നിന്നുള്ള എംപിമാരായ ഇ.ടി.മുഹമ്മദ് ബഷീറും എന്.കെ.പ്രേമചന്ദ്രനും പറഞ്ഞു. മതസ്വാതന്ത്ര്യത്തിനും ഫെഡറല് സംവിധാനത്തിനുമെതിരെയുള്ള ആക്രമണമാണെന്നു കെ.സി.വേണുഗോപാലും അറിയിച്ചു. ഗുരുവായൂര് ദേവസ്വം ബോര്ഡില് മുസ്ലിംകളെ ഉള്പ്പെടുത്താറുണ്ടോയെന്നും കെ.സി.വേണുഗോപാല് ചോദിച്ചു.
ബില്ലിനെ എതിര്ത്ത് സമാജ്വാദി പാര്ട്ടിയും തൃണമൂല് കോണ്ഗ്രസും ന്യൂനപക്ഷങ്ങള്ക്ക് എതിരാണെന്ന് ഡിഎംകെയും അറിയിച്ചു.വഖഫ് ബോര്ഡുകളില് 2 മുസ്ലിം ഇതര വിഭാഗക്കാരെയും 2 വനിതകളെയും ഉറപ്പാക്കണമെന്ന നിര്ദേശമാണു ബില്ലില് ഏറ്റവും പ്രധാനം. വഖഫ് സ്വത്തുക്കളുടെ കൃത്യമായ നടത്തിപ്പിനു നിയമഭേദഗതി അനിവാര്യമാണെന്നും ബില്ലിലെ വ്യവസ്ഥകള് വനിതകളെ സഹായിക്കാനാണെന്നുമാണു കേന്ദ്ര സര്ക്കാരിന്റെ വിശദീകരണം.
