കോഴിക്കോട്: പേരാവൂര്‍ സ്പോര്ട്സ് ഫൗണ്ടേഷന്‍(പി എസ് എഫ്) സംഘടിപ്പിക്കുന്ന എട്ടാമത് വാക്കറൂ പേരാവൂര്‍ മാരത്തണ്‍ ഡിസംബര്‍ 24ന് പേരാവൂര്‍ ജിമ്മി ജോര്‍ജ് സ്റ്റേഡിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. 10,000 ത്തിലധികം ഓട്ടക്കാരെയും അത്രതന്നെ കാണികളെയും പങ്കെടുപ്പിച്ച് കേരളത്തിലെ ഏറ്റവും വലിയ ജനകീയ കായികമേളകളിലൊന്നായി മാരത്തണിനെ മാറ്റുകയാണ് ലക്ഷ്യം. വിവിധ സംഘടനകളുടെയും തദ്ദേശസ്വയംഭരണ സ്ഥാപനങ്ങളുടെയും, സര്‍ക്കാര്‍ വകുപ്പുകളുടെയും നാട്ടുകാരുടെയും, സ്‌പോണ്‍സര്‍മാരുടെയും പിന്തുണയോടെയും സഹകരണത്തോടെയാണ് മാരത്തണ്‍ സംഘടിപ്പിക്കുന്നത്. ടൈറ്റില്‍ സ്‌പോണ്‍സര്‍ വാക്കറൂ ഇന്റര്‍നാഷണല്‍ പ്രൈവറ്റ് ലിമിറ്റഡും, പരിപാടിയുടെ ടെക്‌നിക്കല്‍ പാര്‍ട്ടര്‍ അഞ്ജു ബോബി സ്പോര്ട്സ് ഫൗണ്ടേഷനുമാണ് .
ഒളിമ്പ്യന്‍ അഞ്ജു ബോബി ജോര്‍ജാണ് ഇവന്റ് അംബാസഡര്‍. സേ നോ ടു ഡ്രസ്സ് എന്ന സന്ദേയമുയര്‍ത്തി, യുവതലമുറയെ കായികരംഗത്തേക്ക് ആകര്‍ഷിക്കുക. ആരോഗ്യകരമായ ജീവിതശൈലി പ്രോത്സാഹിപ്പിക്കുക. എന്നിവയാണ് മാരത്തണിന്റെ പ്രധാന ലക്ഷ്യങ്ങള്‍.
10.3 കിലോമീറ്റര്‍ ടൈംഡ് റണ്‍, നാല് കിലോമീറ്റര്‍ ഫാമിലി ഫണ്‍ റണ്‍ എന്നിങ്ങനെ രണ്ട് വിഭാഗങ്ങളാണുള്ളത്. പങ്കെടുക്കുന്നവര്‍ക്ക് റേസ് കിറ്റ്, റണ്ണേഴ്സ് ജേഴ്സി ഫിനിഷേഴ്സ് മെഡല്‍, പ്രഭാതഭക്ഷണം എന്നിവ ലഭിക്കും. 10.5K റണ്‍ പൂര്‍ത്തിയാക്കുന്ന വിദ്യാര്‍ഥികള്‍ക്ക് പങ്കാളിത്ത സര്‍ട്ടിഫിക്കറ്റും നല്‍കും. ഈ വര്‍ഷത്തെ മാരത്തണില്‍ ആകെ Rs.1,42,000 സമ്മാനത്തുകയായി വിതരണം ചെയ്യും. ആറ് മത്സരവിഭാഗങ്ങളിലായി 60 സമ്മാനങ്ങള്‍ നല്‍കാനാണ് തീരുമാനം
വീല്‍ചെയര്‍ മത്സരവും ഭിന്നശേഷിക്കാരായ കുട്ടികള്‍ക്കായി ബഡ്സ് സ്‌കൂളുകളുടെ സഹകരണത്തോടെ സംഘടിപ്പിക്കുന്ന ഓട്ടമത്സരവും ഇതോടനുബന്ധിച്ച് നടക്കും.
www.peravoormarathon.com വഴി ഓണ്‍ലൈനായി ഡിസംബര്‍ ഏഴ് വരെ രജിസ്ട്രര്‍ ചെയ്യാം.
വാര്‍ത്താ സമ്മേളനത്തില്‍ ഇവന്റ് അംബാസഡര്‍ അഞ്ജു ബോബി ജോര്‍ജ്, ടൈറ്റില്‍ സ്‌പോണ്‍സര്‍ വാക്കറൂ ഇന്റര്‍നാഷണല്‍ പ്രൈവറ്റ് ലിമിറ്റഡ് സ്ഥാപകനും മാനേജിംഗ് ഡയറക്ടറുമായ വി. നൗഷാദ്, അഡീഷണല്‍ സീനിയര്‍ വൈസ് പ്രസിഡന്റ് & സോണല്‍ ഹെഡ് ഫെഡറല്‍ ബാങ്ക്, ബിന്ദു തോമസ്, പി.എസ്.എഫ് പ്രസിഡന്റ് ഫ്രാന്‍സിസ് ബൈജു ജോര്‍ജ് പി.എസ് എഫ് വൈസ് പ്രസിഡന്റ് ഡെന്നി ജോസഫ് എന്നിവര്‍ സംബന്ധിച്ചു. വിശദ വിവരങ്ങള്‍ക്ക് 8281130787,9447263904,7902436501.
വാക്കറൂ പേരാവൂര്‍ മാരത്തണ്‍ ഡിസംബര്‍ 24ന്
