കൊച്ചി: ശബരിമല സ്വര്ണക്കൊള്ള കേസില് തിരുവിതാംകൂര് ദേവസ്വം ബോര്ഡിനെ രൂക്ഷമായി വിമര്ശിച്ച് ഹൈക്കോടതി. എല്ലാം ഉണ്ണികൃഷ്ണന് പോറ്റിയെ ഏല്പ്പിക്കാനാണെങ്കില് പിന്നെ ദേവസ്വം ബോര്ഡിന് എന്താണ് പണിയെന്ന് കോടതി ചോദിച്ചുസ്വര്ണക്കൊള്ള കേസിലെ പ്രതികളുടെ ജാമ്യഹര്ജി പരിഗണിക്കുമ്പോഴായിരുന്നു ഹൈക്കോടതിയുടെ രൂക്ഷവിമര്ശനം.ദേവസ്വം ബോര്ഡ് പ്രസിഡന്റ് മുന് എ പത്മകുമാര്, ബെല്ലാരിയിലെ സ്വര്ണവ്യാപാരി ഗോവര്ധന്, ശബരിമല മുന് എക്സിക്യൂട്ടീവ് ഓഫീസര് മുരാരി ബാബു എന്നിവരുടെ ജാമ്യഹര്ജികളാണ് കോടതി പരിഗണിക്കുന്നത്.
ശബരിമല ശ്രീകോവിലിന്റെ വാതില്, കട്ടിളപ്പാളി, ദ്വാരപാലക ശില്പം എന്നിവ അടക്കമുള്ളവ സ്വര്ണം പൂശുന്നതിനായി ഉണ്ണികൃഷ്ണന് പോറ്റിയെയാണ് ഏല്പ്പിച്ചതെന്ന് പ്രോസിക്യൂഷന് കോടതിയില് പറഞ്ഞു. അപ്പോഴാണ് എല്ലാം ഉണ്ണികൃഷ്ണന് പോറ്റിയെ ഏല്പ്പിക്കാനാണെങ്കില് ദേവസ്വം ബോര്ഡിന് വേറെന്താണ് പണിയെന്ന് ഹൈക്കോടതി സിംഗിള് ബെഞ്ച് ചോദിച്ചത്. പ്രോസിക്യൂഷന് വാദത്തിനിടെയായിരുന്നു കോടതിയുടെ വിമര്ശനം.
ദേവസ്വം ബോര്ഡിനെന്താണ് പണി; രൂക്ഷമായി വിമര്ശിച്ച് ഹൈക്കോടതി
