കോഴിക്കോട്: മൗലാന അബുല്‍ കലാം ആസാദ് റിസര്‍ച്ച് ഫൗണ്ടേഷന്‍ അവാര്‍ഡ് പാണക്കാട് സാദിക്കലി തങ്ങള്‍ക്ക് സമ്മാനിക്കുമെന്ന് ഫൗണ്ടേഷന്‍ ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. എം.സി.വടകര, പ്രൊഫ.മുഹമ്മദ് ഹസ്സന്‍, പ്രൊഫ.ഓമാനൂര്‍ മുഹമ്മദ്, ടി.പി.ചെറൂപ്പ എന്നിവരടങ്ങിയ ജൂറി കമ്മറ്റിയാണ് അവാര്‍ഡ് ജേതാവിനെ തിരഞ്ഞെടുത്തത്. 2025 ജനുവരി 26ന് കോഴിക്കോട് വെച്ച് നടക്കുന്ന പരിപാടിയില്‍ വെച്ച് അവാര്‍ഡ് സമ്മാനിക്കും.
വാര്‍ത്താസമ്മേളനത്തില്‍ ഫൗണ്ടേഷന്‍ ജന.സെക്രട്ടറി ഡോ.ഖാസിമുല്‍ ഖാസിമി, വൈസ് പ്രസിഡണ്ട്മാരായ പി.എ.ജബ്ബാര്‍ ഹാജി, പ്രൊഫ.മുഹമ്മദ് ഹസന്‍, ജോയന്റ് സെക്രട്ടറി പ്രൊഫ.ഓമാനൂര്‍ മുഹമ്മദ്, ഫൗണ്ടേഷന്‍ ദേശീയ കണ്‍വീനര്‍ സി.എച്ച്.ഇബ്രാഹിംകുട്ടി എന്നിവര്‍ സംബന്ധിച്ചു.
