കോഴിക്കോട്: അടിസ്ഥാന ജന വിഭാഗങ്ങളുടെ വിദ്യാഭ്യാസ മുന്നേറ്റത്തിന് നാന്ദി കുറിച്ച ധിഷണാശാലിയായ നേതാവായിരുന്നു ആര്‍ ശങ്കറെന്നും കേരള രാഷ്ട്രീയത്തിലെ സമാനതകളില്ലാത്ത നേതൃത്വ ശേഷിയുടെയും നിര്‍ഭയതയുടെയും ആദര്‍ശ രാഷ്ട്രീയത്തിന്റെയും ആള്‍ രൂപമായിരുന്ന ശങ്കര്‍ സാറിന്റെ സംഭാവനകള്‍ പുതിയ തലമുറ മാതൃകയാക്കണമെന്നും ആര്‍ ശങ്കര്‍ ഫൗണ്ടേഷന്‍ സംസ്ഥാന സെക്രട്ടറി ജഗത്മയന്‍ ചന്ദ്രപുരി പറഞ്ഞു.
എസ്എന്‍ ഡി പി യോഗം കോഴിക്കോട് യൂണിയന്‍ ആര്‍ ശങ്കറിന്റെ 52 മത് ചരമദിനത്തോടനുബന്ധിച്ച് സംഘടിപ്പിച്ച അനുസ്മരണ യോഗത്തിന്റെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം. യൂണിയന്‍ പ്രസിഡന്റ് ഷനൂപ് താമരക്കുളം അധ്യക്ഷത വഹിച്ചു.
യൂണിയന്‍ സെക്രട്ടറി സുധീഷ് കേശവപുരി, ശ്രീനാരായണ സെന്‍ട്രല്‍ സ്‌കൂള്‍ പ്രിന്‍സിപ്പാള്‍ ഉഷാ വിവേക്, ഷാനേഷ് കൃഷ്ണ, ശാലിനി ബാബുരാജ്, സുജ നിത്യാനന്ദ് എന്നിവര്‍ പ്രസംഗിച്ചു.
ആര്‍ ശങ്കറിനെ അനുസ്മരിച്ചു
