മേപ്പാടി: ഡോ.മൂപ്പന്സ് മെഡിക്കല് കോളേജില് പന്ത്രണ്ടാമത് ബാച്ചിലെ 150 മെഡിക്കല് വിദ്യാര്ത്ഥികള്ക്കുള്ള വൈറ്റ് കോട്ട് വിതരണരണവും ഓറിയന്റേഷന് പ്രോഗ്രാമും നടന്നു. ആസ്റ്റര് ഡി എം ഹെല്ത്ത് കെയറിന്റെയും ഡോ. മൂപ്പന്സ് മെഡിക്കല് കോളേജിന്റെയും ചെയര്മാന് പദ്മശ്രീ. ഡോ. ആസാദ് മൂപ്പന് ചടങ്ങിന്റെ ഉദ്ഘാടനം നിര്വ്വഹിച്ചു.വിദ്യാര്ത്ഥികള്ക്കുള്ള പ്രതിജ്ഞാവാചകം ഡെപ്യൂട്ടി മെഡിക്കല് സൂപ്രണ്ട് ഡോ.ഷമീര് ഇസ്മായില് ചൊല്ലിക്കൊടുത്തു. ചടങ്ങില് കല്പറ്റ സൈബര് ക്രൈം സീനിയര് സിവില് പോലീസ് ഓഫീസര് അബ്ദുല് സലാം കെ.എ. ‘റാഗിങ്ങും അനുബന്ധ വിഷയങ്ങളും’ എന്ന വിഷയത്തില് വിദ്യാര്ത്ഥികള്ക്കുള്ള ബോധവല്ക്കരണ ക്ലാസ്സ് എടുത്തു.
പ്രിന്സിപ്പാള് പ്രൊ. ഡോ. എലിസബത് ജോസഫ് അധ്യക്ഷത വഹിച്ചു.ഡോ. മൂപ്പന്സ് മെഡിക്കല് കോളേജ് എക്സിക്യൂട്ടീവ് ട്രസ്റ്റിയും ആസ്റ്റര് മിംസ് ഡയറക്ടറുമായ യു. ബഷീര്, ആസ്റ്റര് ഡി എം ഹെല്ത്ത്കെയര് ഡയറക്ടറും ഡോ. മൂപ്പന്സ് മെഡിക്കല് കോളേജ് ട്രസ്റ്റിയുമായ നസീറ ആസാദ്, ആസ്റ്റര് ഡിഎം ഹെല്ത്ത് കെയര് എക്സിക്യൂട്ടീവ് ഡയറക്ടറും ഗവേണന്സ് ആന്ഡ് കോര്പ്പറേറ്റ് അഫയേഴ്സ് ഗ്രൂപ്പ് ഹെഡുമായ ടി. ജെ വില്സണ് , മെഡിക്കല് കോളേജ് വൈസ് പ്രിന്സിപ്പാള് പ്രൊ. ഡോ. പ്രഭു ഇ, അഡീഷണല് മെഡിക്കല് സൂപ്രണ്ട് ഡോ. അരുണ് അരവിന്ദ്, ഡോ. മൂപ്പന്സ് കോളേജ് ഓഫ് ഫാര്മസി പ്രിന്സിപ്പാള് പ്രൊ. ഡോ. ലാല് പ്രശാന്ത്, ഡോ. മൂപ്പന്സ് നഴ്സിംഗ് കോളേജ് പ്രിന്സിപ്പാള് പ്രൊ. ഡോ. ലിഡാ ആന്റണി, ഓപ്പറേഷന്സ് വിഭാഗം ഡെപ്യൂട്ടി ജനറല് മാനേജര് ഡോ. ഷാനവാസ് പള്ളിയാല്, മെഡിക്കല് കോളേജ് അഡ്മിനിസ്ട്രേഷന് വിഭാഗം ഡെപ്യൂട്ടി ജനറല് മാനേജര് ഫ്രാങ്ക്ളിന് ജോണ്സണ് എന്നിവര് ചടങ്ങില് പങ്കടുത്തു.
മെഡിക്കല് വിദ്യാര്ത്ഥികളുടെ വൈറ്റ് കോട്ട് വിതരണവും
ഓറിയന്റേഷന് പ്രോഗ്രാമും നടന്നു
