അഷ്ക്കറലി കേലാട്ട്
ശാരീരിക വെല്ലുവിളികളെയും, പരിക്കുകളുടെയും വിലയിരുത്തല്, രോഗനിര്ണയം, ചികിത്സ എന്നിവയില് ശ്രദ്ധ കേന്ദ്രീകരിക്കുന്ന ആരോഗ്യ സംരക്ഷണ മേഖലയിലെ ഒരു വിഭാഗമാണ് ഫിസിയോതെറാപ്പി. രോഗികളുടെ ചലനാത്മകത, മൊത്തത്തിലുള്ള ക്ഷേമം എന്നിവ പുനഃസ്ഥാപിക്കുകയും, അവരുടെ പരമാവധി കഴിവുകള് നേടാനും ആരോഗ്യകരവും സജീവവുമായ ജീവിതശൈലി ആസ്വദിക്കാനും പ്രാപ്തമാക്കുക എന്നതാണ് ഫിസിയോതെറാപ്പിയുടെ ലക്ഷ്യം. മസ്കുലോസ്കലെറ്റല് ഡിസോര്ഡേഴ്സ് (നടുവേദന, സന്ധിവാതം) ന്യൂറോളജിക്കല് അവസ്ഥകള്(സ്ട്രോക്ക്, പാര്ക്കിന്സണ്സ് രോഗം)ഹൃദയ സംബന്ധമായ അവസ്ഥകള്( ഹൃദ്രോഗം, ക്രോണിക് ഒബ്സ്ട്രക്റ്റീവ് പള്മണറി രോഗം)സ്പോര്ട്സ് സംബന്ധമായ പരിക്കുകള്,ശസ്ത്രക്രിയാനന്തര പുനരധിവാസം തുടങ്ങിയ രോഗാവസ്ഥകളെ എല്ലാം ഫിസിയോതെറാപ്പിയിലൂടെ ചികില്സിക്കാന് കഴിയും.
1951 സെപ്തംബര് 8 നാണ് വേള്ഡ് ഫിസിയോതെറാപ്പി സ്ഥാപിതമായത്.ആയതിനാല് സെപ്തംബര് 8 ലോക ഫിസിയോതെറാപ്പി ദിനമായി ആചരിക്കുന്നു.ഈ വര്ഷത്തെ ലോക ഫിസിയോതെറാപ്പി ദിനത്തില് ശ്രദ്ധ കേന്ദ്രീകരിക്കുന്നത് നടുവേദനയും (Law back pain) അതിന്റെ മാനേജ്മെന്റിലും പ്രതിരോധത്തിലുമുള്ള ഫിസിയോതെറാപ്പിയുടെ പങ്കിനെ കുറിച്ചാണ് .
ലോകമെമ്പാടുമുള്ള ദശലക്ഷക്കണക്കിന് ആളുകളെ ബാധിക്കുന്ന ഒരു സാധാരണ രോഗാവസ്ഥയാണ് നടുവേദന.ഒട്ടുമിക്കപേരും മറ്റു രോഗാവസ്ഥയുമായി ഇതിനെ കൂട്ടിച്ചേര്ത്തുകൊണ്ട് ചികിത്സ തേടാന് മടി കാണിക്കുന്നതയിട്ടാണ് കണ്ടുവരുന്നത്.നടുവേദനനിയന്ത്രിക്കുന്നതിലും പ്രതിരോധിക്കുന്നതിലും ഫിസിയോതെറാപ്പി നിര്ണായകമായതിനാല്
നടുവേദന അനുഭവപ്പെടനുള്ള കാരണങ്ങളെ പരിചയപ്പെടാം.പേശി പിരിമുറുക്കം അല്ലെങ്കില് പരിക്ക്. മോശം പോസ്ചര് അഥവാ തെറ്റായ ബയോമെക്കാനിക്സ്. ഹെര്ണിയേറ്റഡ് ഡിസ്കുകള് അല്ലെങ്കില് ഡീജനറേറ്റീവ് ഡിസ്ക് രോഗം. ഓസ്റ്റിയോപൊറോസിസ് അല്ലെങ്കില് നട്ടെല്ല് ഒടിവുകള്. ഉദാസീനമായ ജീവിതശൈലി. വ്യായാമത്തിന്റെ അഭാവം. തുടങ്ങിയവയാണ് പ്രധാന കാരണങ്ങളായി കണ്ടുവരാറുള്ളത്.ഇത്തരം അവസ്ഥകളെ ഫിസിയോ തെറാപ്പിയിലൂടെ പ്രധിരോധിക്കുന്നത് എങ്ങനെയാണെന്ന് നോക്കാം.
1.ആദ്യ ഘട്ടത്തില് തന്നെ വേദനയുടെ അടിസ്ഥാന കാരണങ്ങള്, ചലന രീതികള്, പ്രവര്ത്തന പരിമിതികള് എന്നിവ തിരിച്ചറിയുക.
2. ശരിയായ പോസ്ചര്, ലിഫ്റ്റിംഗ് ടെക്നിക്കുകള്, ബോഡി മെക്കാനിക്സ് എന്നിവ പരിശോധിക്കുക.
3.മാനുവല് തെറാപ്പി സോഫ്റ്റ് ടിഷ്യു മൊബിലൈസേഷന്, ജോയിന്റ് മൊബിലൈസേഷന്എന്നിവയിലൂടെ വേദന കുറയ്ക്കാം.
4.വ്യായാമതിലോടെ വഴക്കവും ചലനശേഷിയും വര്ദ്ധിപ്പിച്ച് കോര് ബാക്ക് പേശികളെ ശക്തിപ്പെടുത്തി ശരിയായ ചലനം തിരിച്ച് കൊണ്ടുവരുന്നു. .
5. പേശികളുടെ പ്രവര്ത്തന പരിശീലനം, ബാലന്സ്, ഏകോപനം എന്നിവ മെച്ചപ്പെടുത്തുക.
നടുവേദനയെ പ്രധിരോധി മാര്ഗങ്ങള്
1.പതിവ് വ്യായാമ മുറകളില് ഫ്ലക്സിബിലിറ്റി ട്രെയിനിംഗ്, സ്ട്രങ്ത് ട്രെയിനിംഗ് എന്നിവ ഉള്പെടുത്തുക
2. ശരിയായ പോസ്ചര് ദൈനംദിന പ്രവര്ത്തനങ്ങളില് നല്ല നില നിലനിര്ത്തുക.
3.ലിഫ്റ്റിംഗ് ടെക്നിക്കുകള് പരുക്ക് ഒഴിവാക്കാന് ശരിയായ ലിഫ്റ്റിംഗ് ടെക്നിക്കുകള് മാത്രം ഉപയോഗിക്കുക.
4.ഓണ്ലൈനായി വ്യായാമ മുറകളില് ഏര്പ്പാടുമ്പോള് ശരീരത്തിന് അനുയോജ്യമായ പ്രവര്ത്തനങ്ങളില് മാത്രം ഏര്പ്പെടുക. എടുത്തുചാടി വെയിറ്റ്കളും മറ്റും എടുക്കുന്നത് അപകടങ്ങളിലേക്ക് വഴിയൊരുക്കും.
5.സുഖകരവും പിന്തുണ നല്കുന്നതുമായ വര്ക്ക്സ്പേസ് ഉറപ്പാക്കുക.
5. സ്ട്രെസ് മാനേജ്മെന്റ് പേശികളുടെ പിരിമുറുക്കം കുറയ്ക്കാന് സഹായിക്കും.
നടുവേദനയ്ക്ക് ഫിസിയോതെറാപ്പി ചികിത്സ നല്കുന്നതിന്റെ പ്രയോജനങ്ങള്
1. വേദനയും, തരിപ്പ്,കടച്ചില്,നീര്ക്കെട്ട്,തുടങ്ങിയവ കുറയ്ക്കുന്നു
2. പ്രവര്ത്തനവും ചലനശേഷിയും മെച്ചപ്പെടുത്തുന്നു
3. ബലവും വഴക്കവും വര്ദ്ധിപ്പിക്കുന്നു
4. ഭാവിയില് വീണ്ടും വേദനകള് വരാനുള്ള സാധ്യതകള് തടയുന്നു.
5. ശസ്ത്രക്രിയയോ മരുന്നുകളോ ഒഴിവാക്കുന്നു
അടിസ്ഥാന കാരണങ്ങളെ കണ്ടെത്തി ചികിത്സിക്കുകയും, പ്രതിരോധ മാര്ഗങ്ങള് സ്വീകരിക്കുകയും ചെയ്യുന്നതിലൂടെ ഫിസിയോതെറാപ്പിക്ക് നടുവേദന ഫലപ്രദമായി കൈകാര്യം ചെയ്യാനും തടയാനും ജീവിതനിലവാരം മെച്ചപ്പെടുത്തി ആരോഗ്യ സംരക്ഷണ ചെലവ് കുറയ്ക്കാനും കഴിയും.
കോഴിക്കോട് ആസ്റ്റര്മിംസ് ഹോസ്പിറ്റലിലെ ഫിസിയോ തെറാപ്പി വിഭാഗം മേധാവിയാണ് ലേഖകന്
വേദനയില്നിന്ന് മുക്തി, ഫിസിയോതെറാപ്പിയിലൂടെ…!
