സ്കില്ഡ് മൈഗ്രേഷന് വിഭാഗത്തിലുള്ള ഉദ്യോഗാര്ത്ഥികള്ക്കുള്ള ഇമിഗ്രേഷന് നയങ്ങളില് ഓസ്ട്രേലിയ സര്ക്കാര് മാറ്റങ്ങള് പ്രഖ്യാപിച്ചു. 2023 നവംബര് 25 മുതല്, ഓസ്ട്രേലിയന് ഗവണ്മെന്റ്, എംപ്ലോയര് നോമിനേഷന് സ്കീമിന്റെ (ഇഎന്എസ്) (സബ്ക്ലാസ് 186) വിസയുടെ താത്കാലിക നൈപുണ്യ ഷോര്ട്ടേജ് (ടിഎസ്എസ്) (സബ്ക്ലാസ് 482), താത്കാലിക താമസ പരിവര്ത്തന (ടിആര്ടി) സ്ട്രീം എന്നിവയില് മാറ്റങ്ങള് വരുത്തുന്നു. കൂടാതെ ടിഎസ്എസ് വിസ ഉടമകള്ക്ക് സ്ഥിര താമസത്തിലേക്കുള്ള വ്യക്തമായ മാര്ഗരേഖയും കൊണ്ടുവരുന്നു. ഉദ്യോഗാര്ത്ഥികള്ക്ക് അവരുടെ നോമിനേറ്റഡ് തൊഴിലിന്റെ നൈപുണ്യ വിലയിരുത്തല് റിപ്പോര്ട്ട് ഉണ്ടെങ്കില് ജനറല് സ്കില്ഡ് മൈഗ്രേഷന് വിഭാഗത്തിലൂടെ വിസയ്ക്ക് അപേക്ഷിക്കാന് അര്ഹതയുണ്ട്. വിസയ്ക്ക് അപേക്ഷിക്കാനുള്ള ക്ഷണം ലഭിച്ച് 60 ദിവസത്തിനുള്ളില് അവര് അപേക്ഷിക്കേണ്ടതുണ്ട്.
ഈ മാറ്റങ്ങള് തൊഴിലുടമകള്ക്കും ടിഎസ്എസ് വിസ ഉടമകള്ക്കും കൂടുതല് ഉറപ്പ് നല്കുകയും ഓസ്ട്രേലിയയ്ക്ക് ആവശ്യമായ വിദഗ്ധ തൊഴിലാളികളെ ആകര്ഷിക്കുകയും നിലനിര്ത്തുകയും ചെയ്യുന്നു.
ഓസ്ട്രേലിയയും ഇന്ത്യയും ഒരു പ്രധാന മൈഗ്രേഷന് ആന്ഡ് മൊബിലിറ്റി പാര്ട്ണര്ഷിപ്പ് അറേഞ്ച്മെന്റ് (എംഎംപിഎ) സ്ഥാപിച്ചിട്ടുണ്ട്, ഇത് മൈഗ്രേഷന് കാര്യങ്ങളില് ഇരു രാജ്യങ്ങളും തമ്മിലുളള സഹകരണണത്തിന് ഒരു പുതിയ മാതൃകയാണ് സൃഷ്ടിച്ചത്.
വിദ്യാര്ത്ഥികള്, സന്ദര്ശകര്, ബിസിനസ്സ് വ്യക്തികള്, മറ്റ് പ്രൊഫഷണലുകള് എന്നിവയെ ഉള്ക്കൊള്ളുന്ന മൊബിലിറ്റി അറേഞ്ച്മെന്റ് ഫോര് ടാലന്റഡ് ഏര്ലി-പ്രൊഫഷണല്സ് സ്കീം (മേറ്റ്സ്) എന്നറിയപ്പെടുന്ന ഈ പുതിയ റൂട്ട് ഇന്ത്യന് ബിരുദധാരികള്ക്കും പ്രാരംഭ ഘട്ട പ്രൊഫഷണലുകള്ക്കുമായി പ്രത്യേകം രൂപകല്പ്പന ചെയ്തിട്ടുള്ളതാണ്.
