കോഴിക്കോട്: പണിക്കര്‍ സര്‍വ്വീസ് സൊസൈറ്റി ജ്യോതിഷ സഭയുടെ ആഭിമുഖ്യത്തില്‍ ലോക ജ്യോതിശാസ്ത്ര ദിനാചരണവും ജ്യോതിഷ സെമിനാറും 22ന് ഞായര്‍ കാലത്ത് 10 മണിക്ക് അളകാപുരി ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു. സംസ്ഥാന ചെയര്‍മാനും, എഴുത്തുകാരനുമായ ബേപ്പൂര്‍ ടി.കെ.മുരളീധരന്‍ പണിക്കര്‍ ഉദ്ഘാടനം ചെയ്യും. വിവാഹ പൊരുത്ത അവലോകം എന്ന വിഷയത്തെ ആസ്പദമാക്കിയുള്ള സെമിനാറില്‍ വത്സരാജ് പണിക്കര്‍ തിക്കോടി വിഷയം അവതരിപ്പിക്കും. ജ്യോതിഷ രംഗത്തെ പ്രമുഖര്‍ സംസാരിക്കും.
വാര്‍ത്താസമ്മേളനത്തില്‍ വിജീഷ് പണിക്കര്‍ എം.പി, മൂലയില്‍ മനോജ് പണിക്കര്‍, അനില്‍ പണിക്കര്‍, വത്സരാജ് പണിക്കര്‍ തിക്കോടി, ചെലവൂര്‍ ഹരിദാസ് പണിക്കര്‍, ഗോകുല്‍ദാസ് പണിക്കര്‍ പങ്കെടുത്തു.
