ടെഹ്റാന്: ഇറാന് സൈപ്രസിലെ ബ്രിട്ടീഷ് വ്യോമതാവളം ആക്രമിച്ചതായി റിപ്പോര്ട്ട്. സൈനികതാവളം സ്ഥിതി ചെയ്യുന്ന സൈപ്രസ് ലക്ഷ്യമാക്കി രണ്ട് മിസൈലുകളാണ് ഇറാന് പ്രയോഗിച്ചതെന്ന് ബ്രിട്ടീഷ് പ്രതിരോധ സെക്രട്ടറി ജോണ് ഹീലി പറഞ്ഞു.
യുഎസ്-ഇസ്രയേല് ആക്രമണങ്ങള്ക്ക് മറുപടിയായാണ് ഇറാന്റെ നടപടി. ഇപ്പോഴുണ്ടായിരിക്കുന്ന നീക്കം ഗൗരവമേറിയതാണ്. ഇന്നലെ, ഇറാന് ആക്രമിച്ച ബഹ്റൈന് താവളത്തില് തങ്ങളുടെ 300 സൈനികര് ഉണ്ടായിരുന്നു.
ഇറാന് എതിരായ സൈനിക നടപടികള്ക്ക് മേഖലയിലെ ബ്രിട്ടിഷ് സൈനിക താവളങ്ങള് ഉപയോഗിക്കാനുള്ള അമേരിക്കയുടെ അഭ്യര്ഥന രാജ്യം അംഗീകരിച്ചെന്ന് ബ്രിട്ടീഷ് പ്രധാനമന്ത്രി കെയര് സ്റ്റാമര് അറിയച്ചതിന് പിന്നാലെയാണ് സൈപ്രസിലെ ആക്രണം. ആക്രമണത്തില് യുകെ പങ്കെടുക്കില്ല. ഇറാന് മിസൈലുകള് തൊടുക്കുന്നത് തടയുക എന്ന പ്രതിരോധ ലക്ഷ്യത്തോടെയാണ് യുഎസിന് താവളങ്ങള് ഉപയോഗിക്കാന് അനുമതി നല്കിയതെന്ന് എക്സിലെ വിഡിയോ സന്ദേശത്തില് ബ്രിട്ടിഷ് പ്രധാനമന്ത്രി പറഞ്ഞു. ശനിയാഴ്ച ഇറാന്റെ പരമോന്നത നേതാവ് ആയത്തുല്ല അലി ഖമനയി കൊല്ലപ്പെട്ട യുഎസ്-ഇസ്രയേല് സംയുക്ത വ്യോമാക്രമണത്തില് ബ്രിട്ടന് പങ്കെടുത്തിട്ടില്ലെന്നും ഇനി നടക്കാനിരിക്കുന്ന ആക്രമണങ്ങളിലും പങ്കുചേരില്ലെന്നും അദ്ദേഹം പറഞ്ഞു.
ബ്രിട്ടനെതിരെ എതിരെ ഇറാന്വ്യോമാക്രമണം
