ദില്ലി: കേരളത്തിലെ എസ്ഐആര് നടപടികള്ക്ക് സ്റ്റേയില്ലെന്ന് സുപ്രീം കോടതി. എസ്ഐആര് നടപടികള് നിര്ത്തിവെക്കണമെന്നാവശ്യപ്പെട്ടുളള ഹര്ജിയിലാണ് സുപ്രീം കോടതിയുടെ പ്രതികരണം. അടുത്ത ബുധനാഴ്ച ഹര്ജി വീണ്ടും പരിഗണിക്കും. തെരഞ്ഞെടുപ്പ് കമ്മീഷന് സുപ്രീം കോടതി നോട്ടീസ് അയച്ചിട്ടുണ്ട്. കേരളത്തില് തദ്ദേശ തിരെഞ്ഞെടുപ്പ് നടക്കുകയാണെന്ന് സര്ക്കാര് ചൂണ്ടിക്കാട്ടിയപ്പോള് കേരളത്തിലെ ഹര്ജികള് പ്രത്യേകം പരിഗണിക്കുമെന്നും കോടതി അറിയിച്ചു. ജസ്റ്റിസ് സൂര്യകാന്ത് അധ്യക്ഷനായ മൂന്നംഗ ബെഞ്ചാണ് ഹര്ജികള് പരിഗണിച്ചത്. കേസില് സംസ്ഥാന സര്ക്കാരിനായി മുതിര്ന്ന അഭിഭാഷകന് കപില് സിബല് ഹാജരായി.
തദ്ദേശ സ്വയംഭരണ തെരഞ്ഞെടുപ്പ് നടക്കുന്നതിനാല് എസ്ഐആര് തല്ക്കാലം മാറ്റിവെക്കണമെന്നാവശ്യപ്പെട്ടാണ് സംസ്ഥാന സര്ക്കാര് സുപ്രീംകോടതിയെ സമീപിച്ചത്.
എസ്ഐആറും തദ്ദേശ തെരഞ്ഞെടുപ്പും ഒരുമിച്ച് നടക്കുന്നത് ഭരണപ്രതിസന്ധി ഉണ്ടാക്കുന്നുവെന്നും സര്ക്കാര് ഹര്ജിയില് ചൂണ്ടിക്കാട്ടിയിരുന്നു.
സംസ്ഥാന സര്ക്കാരിനു പുറമെ, സിപിഎം, സിപിഐ, കോണ്ഗ്രസ്, മുസ്ലിം ലീഗ് തുടങ്ങിയ രാഷ്ട്രീയ പാര്ട്ടികളും എസ്ഐആറിനെതിരെ സുപ്രീംകോടതിയില് ഹര്ജി നല്കിയിരുന്നു. സിപിഎമ്മിനു വേണ്ടി മുതിര്ന്ന അഭിഭാഷകന് രഞ്ജിത് കുമാറും മുസ്ലിം ലീഗിനു വേണ്ടി ഹാരിസ് ബീരാനുമാണ് സുപ്രീംകോടതിയില് ഹാജരായത്.
കേരളത്തിലെ എസ്ഐആര് നടപടികള്ക്ക്
സ്റ്റേയില്ല;സുപ്രീം കോടതി
