കൊച്ചി: സര്ക്കാരിന്റെ ശമ്പളം പറ്റുന്ന പൊലീസുകാര്, എകെജി സെന്ററില് നിന്നല്ല ശമ്പളം വാങ്ങുന്നതെന്ന് ഓര്ക്കണമെന്ന് പ്രതിപക്ഷ നേതാവ് വി ഡി സതീശന്.ഷാഫി പറമ്പിലിനെ ആക്രമിച്ചവരോട് പ്രതികാരം ചോദിക്കുക തന്നെ ചെയ്യുമെന്നും അദ്ദേഹം കൂട്ടിച്ചേര്ത്തു. മനഃപൂര്വം ഷാഫിയെ പൊലീസ് തിരഞ്ഞുപിടിച്ച് മര്ദ്ദിക്കുകയായിരുന്നുവെന്നും സര്ക്കാരിനെതിരെയുള്ള എല്ലാ വിഷയങ്ങളില് നിന്നും ശ്രദ്ധ തിരിക്കാനാണ്, പൊലീസിനെ അഴിച്ചു വിട്ട് ക്രൂരമര്ദ്ദനം നടത്തിയതെന്നും പ്രതിപക്ഷ നേതാവ് കുറ്റപ്പെടുത്തി.
സംഘര്ഷത്തില് ഒരു യുഡിഎഫ് പ്രവര്ത്തകന്റെ കാഴ്ച തന്നെ അവതാളത്തിലായിരിക്കുകയാണ്. ഒരു പ്രകോപനവും ഇല്ലാതെ കോണ്ഗ്രസിന്റെയും യുഡിഎഫിന്റെയും ജാഥ തടഞ്ഞുകൊണ്ടാണ് പ്രകോപനം ഉണ്ടാക്കിയത്.
ഇത്തരം നടപടികളുമായി മുന്നോട്ടു പോയാല്ല് എല്ലാ ശക്തിയും സമാഹരിച്ച് കോണ്ഗ്രസും ഐക്യജനാധിപത്യ മുന്നണിയും ശക്തിയായി പ്രതികരിക്കുക തന്നെ ചെയ്യുമെന്നും വി ഡി സതീശന് മുന്നറിയിപ്പു നല്കി.
സര്ക്കാരിന്റെ ശമ്പളം പറ്റുന്ന പൊലീസുകാര്, എകെജി സെന്ററില് നിന്നല്ല ശമ്പളം വാങ്ങുന്നതെന്ന് ഓര്ക്കണം; വി ഡി സതീശന്
