കോഴിക്കോട്: ഓണ്ലൈന് വഴി മദ്യം എത്തിച്ചു കൊടുക്കുന്ന ഉദാരമായ നയസമീപനം കേരളത്തിന്റെ സാമൂഹ്യ അന്തരീക്ഷം തകര്ക്കുന്നതിന് വഴിവെക്കുമെന്ന് കമാല് വരദൂര്.അതുവഴി സംസ്ഥാനത്തിന്റെ സമാധാന അന്തരീക്ഷവും പൂര്ണമായി തകരും. ഇന്ന് നമ്മുടെ കേരളത്തില് വര്ദ്ധിച്ചുവരുന്ന ലഹരി വ്യാപനം ഗൗരവമായി കാണേണ്ടത് തന്നെയാണ്. ഇതിനെതിരെയുള്ള പോരാട്ടം ഓരോ പൗരന്റെയും ധാര്മിക ബാധ്യതയാണ്. ലഹരി നിര്മാര്ജന സമിതി (എല്.എന്.എസ് ) സംസ്ഥാന കമ്മിറ്റി കോഴിക്കോട് വിളിച്ചുചേര്ത്ത സ്പെഷ്യല് കണ്വെന്ഷന് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. നേരത്തെ ലഹരി ഉപയോഗം പരിമിതമായ മേഖലകളില് ഒതുങ്ങി നിന്നിരുന്നുവെങ്കില് ഇന്ന് വിദ്യാര്ത്ഥികളിലും സ്ത്രീ പുരുഷ ഭേദമന്യേ സമൂഹം വ്യാപകമായി
ലഹരിയുടെ വലയത്തില് അകപ്പെട്ടിട്ടുണ്ട്.
ലഹരിക്കെതിരെയുള്ള പ്രവര്ത്തന പദ്ധതികളും ബോധവല്ക്കരണവും സമൂഹത്തിലെ കക്ഷി-രാഷ്ട്രീയ ജാതി മത ഭേദമന്യേ എല്ലാ സംഘടനകളും പൊതുസമൂഹവും ഏറ്റെടുക്കേണ്ടത് നിര്ബന്ധമാണ്. സംസ്ഥാന സീനിയര് വൈസ് പ്രസിഡന്റ് കെ പി ഇമ്പിച്ചി മമ്മു ഹാജി അധ്യക്ഷ്യം വഹിച്ചു. സംസ്ഥാന വര്ക്കിംഗ് പ്രസിഡണ്ട് ഒ.കെ. കുഞ്ഞിക്കോമു മാസ്റ്റര് മുഖ്യപ്രഭാഷണം നടത്തി.
മെമ്പര്ഷിപ്പ് പ്രവര്ത്തനം പൂര്ത്തീകരിച്ച് ജനുവരിയോടെ സംസ്ഥാന കമ്മിറ്റി പുനഃസംഘടിപ്പിക്കുന്നതിനും സ്കൂള് കോളേജ് തലം വരെയുള്ള കുട്ടികള്ക്ക് ബോധവല്ക്കരണം ഉദ്ദേശിച്ചുകൊണ്ട് നടത്തുന്ന ‘ബോധം ക്യാമ്പയിന്’ കൂടുതല് ജനകീയമാക്കുന്നതിനും തീരുമാനിച്ചു.
സയ്യിദ് ഫസല് ജിഫ്രിതങ്ങള്, ഉമര് വിളക്കോട്, എ ഹമീദ് ഹാജി, കെ ഇ അബ്ദുല് ഷുക്കൂര്, അബ്ദുല് ജലീല് കെ ടി, അബ്ദുല് ലത്തീഫ് ഇ കെ, എം ഹമീദ് ഹാജി, ഖാദര് മുണ്ടേരി, മജീദ് കോടമ്പുഴ, ഷാനവാസ് ടി, കാളാക്കല് മുഹമ്മദ് അലി, സുബൈര് നെല്ലോളി, മജീദ് ഹാജി വടകര, ബാപ്പു ഹാജി താനൂര്, എന് കെ അബ്ദുല് ജലീല്, മുഹമ്മദ് അലി വി കെ, എ എം എസ് അലവി, നവാസ് എറണാകുളം എന്നിവര് സംസാരിച്ചു.എം കെ എ ലത്തീഫ് സ്വാഗതവും, ജമാലുദ്ധീന് നന്ദിയും പറഞ്ഞു.
ഓണ്ലൈന് വഴി മദ്യവില്പ്പന;കേരളത്തിന്റെ സാമൂഹ്യ
അന്തരീക്ഷം തകരും – കമാല് വരദൂര്
