കോഴിക്കോട്: കേരള മാപ്പിള കലാ അക്കാദമി സില്‍വര്‍ ജൂബിലി ആഘോഷിച്ചു. ജൂബിലിയുടെ ഭാഗമായി കുറ്റിച്ചിറ സിയസ്‌കൊ ഹാളില്‍ നടന്ന ഒപ്പന പുരാണം സെമിനാര്‍ ശ്രദ്ധേയമായി.
ഒപ്പനയുടെ ചരിത്ര നിരൂപണം,ഡിബേറ്റ്, ആദരം എന്നിവ നടന്നു. മഹാകവി മോയിന്‍ കുട്ടി വൈദ്യര്‍ അക്കാദമി ചെയര്‍മാന്‍ ഡോ.ഹുസൈന്‍ രണ്ടത്താണി സെമിനാര്‍ ഉദ്ഘാടനം ചെയ്തു. സംഘാടക സമിതി ചെയര്‍മാന്‍ കെ.മൊയ്തീന്‍കോയ അധ്യക്ഷനായി.ഒപ്പന കലയില്‍ നല്‍കിയ അടയാളപ്പെടുത്തലിന് പി.എന്‍ ഉസ്മാന്‍ കോയ,പള്ളിവീട് ഉമ്മാത്തബി
എന്നിവരെ ചടങ്ങില്‍ ആദരിച്ചു. ഹുസൈന്‍ രണ്ടത്താണി, മാപ്പിള കലാ അക്കാദമി സംസ്ഥാന ആക്ടിങ്ങ് പ്രസിഡന്റ് എ.കെ. മുസ്തഫ എന്നിവര്‍ ഉപഹാരം കൈമാറി. അഷ്റഫ് പുളിക്കല്‍, സാബി തെക്കേപ്പുറം എന്നിവര്‍ പൊന്നാടയണിയിച്ചു.
കവി കെ.മൊയ്തു മാസ്റ്റര്‍ വാണിമേല്‍ ക്ലാസെടുത്തു. ഡിബേറ്റിന് കവി പക്കര്‍ പന്നൂര്‍,ഗായകന്‍ റഷീദ് മോങ്ങം,പഴയ കാല ഒപ്പന കലാകാരന്‍ പി.എന്‍ ഉസ്മാന്‍ കോയ എന്നിവര്‍ നേതൃത്വം നല്‍കി. സംസ്ഥാന സെക്രട്ടറിമാരായ നൗഷാദ് വടകര, ഇഷ്‌റത്ത് സബ, കോഴിക്കോട് ജില്ലാ പ്രസിഡന്റ് എം.കെ അഷ്റഫ്,സെക്രട്ടറി അഷ്റഫ് കൊടുവള്ളി, മലപ്പുറം ജില്ല പ്രസിഡന്റ് ലുഖ്മാന്‍ അരീക്കോട്,സെക്രട്ടറി പി.വി.ഹസീബ് റഹ്‌മാന്‍, സംസ്ഥാന ചാരിറ്റി വിംഗ് കണ്‍വീനര്‍ അബ്ദുറഹിമാന്‍ കള്ളിതൊടി, ജില്ലാ ഭാരവാഹികളായ ഫസല്‍ വെള്ളായിക്കോട്, സി വി അഷ്റഫ്, സിറ്റി ചാപ്റ്റര്‍ പ്രസിഡന്റ്അനസ് പരപ്പില്‍, സെക്രട്ടറി റാഷിദ് അഹമ്മദ്, കവി ഫൈസല്‍ കന്മനം, സൂഫി ഗായകന്‍ അഷ്റഫ് പാലപ്പെട്ടി, സഹീര്‍ നല്ലളം,ഉമ്മര്‍ മാവൂര്‍, കെ.എം വഹീദ ,ലിയാന മോള്‍, ഇ.ഫൈസല്‍ സമാന്‍, എം.കെ ജലീല്‍, ബഷീര്‍ മാസ്റ്റര്‍, ലിബ ഫാത്തിമ, നൂഹ മോള്‍ പ്രസംഗിച്ചു.
കേരള മാപ്പിള കലാ അക്കാദമി സില്‍വര്‍ ജൂബിലി ആഘോഷിച്ചു
