കൊടുവള്ളി: ചേവായൂര്‍ സര്‍വീസ് സഹകരണ ബാങ്ക് തെരഞ്ഞെടുപ്പുമായി ബന്ധപ്പെട്ടു കൊണ്ട് സിപിഎം ഗുണ്ടകള്‍ കോണ്‍ഗ്രസ് നേതാക്കളെ ആക്രമിച്ചതില്‍ പ്രതിഷേധിച്ച്
ഡിസിസി ആഹ്വാനം ചെയ്ത ജില്ലാ ഹര്‍ത്താലിനോട് അനുബന്ധിച്ച് കൊടുവള്ളി മണ്ഡലം കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ പ്രതിഷേധ പ്രകടനവും പ്രതിഷേധ യോഗവും സംഘടിപ്പിച്ചു. പ്രതിഷേധയോഗം യുഡിഎഫ് മുന്‍സിപ്പല്‍ കണ്‍വീനര്‍ സിപി അബ്ദുല്‍ റസാഖ് ഉദ്ഘാടനം ചെയ്തു. മണ്ഡലം കോണ്‍ഗ്രസ് കമ്മിറ്റി പ്രസിഡണ്ട് സി. കെ ജലീല്‍ അധ്യക്ഷത വഹിച്ചു. ബാബു കോതൂര്‍,എന്‍ വി നൂര്‍ മുഹമ്മദ്, കെ. ശിവദാസന്‍, അസീസ് കയറ്റിയങ്ങല്‍, ടി കെ പി അബൂബക്കര്‍, സി.പി റഷീദ്, പി. സി. ജമാല്‍,യു.കെ വേലായുധന്‍, അബു ലൈസ്, കെ. പി. ഷാഫി,സി. കെ. മുനീര്‍, വി. കെ. കാസിം തുടങ്ങിയവര്‍ സംസാരിച്ചു. പ്രകടനത്തിന് പി. സി. ഫിജാസ്, ഫിലിപ്പ് ചോല, ഫൈസല്‍ കരുവന്‍പൊയില്‍, എന്‍. ശിവദാസന്‍,നാസര്‍ സൗത്ത് കൊടുവള്ളി, അനി സൗത്ത് കൊടുവള്ളി, ബില്കുല്‍ ശരീഫ് തുടങ്ങിയവര്‍ നേതൃത്വം നല്‍കി.
പ്രതിഷേധ പ്രകടനവും യോഗവും സംഘടിപ്പിച്ചു
