കോഴിക്കോട്: അലുമിനി അസോസിയേഷന്‍ ഓഫ് സെന്റ് ജോസഫ്‌സ് ബോയ്‌സ് ഹയര്‍ സെക്കണ്ടറി സ്‌കൂള്‍ ദ്വി ശതാബ്ദി ഇന്റര്‍ സ്‌കൂള്‍ ഓള്‍ കേരള ഫുട്‌ബോള്‍ ടൂര്‍ണ്ണമെന്റ് 2024, 8ന് വെള്ളിയാഴ്ച ഉച്ചക്ക് 2.30ന് സെന്റ് ജോസഫ്‌സ് എച്ച്എസ്എസ് ഗ്രൗണ്ടില്‍ നടക്കും. മുന്‍ അന്താരാഷ്ട്ര ഫുട്‌ബോളറും കേരള സ്‌പോര്‍ട്‌സ് കൗണ്‍സില്‍ പ്രസിഡണ്ടുമായ യു.ഷറഫലി ഉദ്ഘാടനം ചെയ്യും. ടൂര്‍ണ്ണമെന്റ് 18ന് അവസാനിക്കും. മൈ ഹാര്‍ട്ട് ട്രോഫി ഡോ.അലിഫൈസല്‍ സമ്മാനിക്കും. 9ന് ശനിയാഴ്ച നഗരത്തിലെ 8 ജൂനിയര്‍ ടീമുകളെ പങ്കെടുപ്പിച്ച് ഗോകുലം ട്രോഫിക്ക് വേണ്ടിയുള്ള ലീഗ് ഫുട്‌ബോള്‍ ടൂര്‍ണ്ണമെന്റ് കാലത്ത് 7 മുതല്‍ വൈകിട്ട് 4 വരെ നടക്കും. വാര്‍ത്താസമ്മേളനത്തില്‍ അലുമിനി പ്രസിഡണ്ട് ടി.ജയരാജ്, സെക്രട്ടറി ഗില്‍ബര്‍ട്ട്.ജി, ട്രഷറര്‍ ബിജു മുല്ലശ്ശേരി, കണ്‍വീനര്‍മാരായ ജിതേഷ് ജയ്ക്കര്‍, ഗോകുല്‍ നാഥ്.പി.എന്‍, രഞ്ജിത്ത്.പി.സി പങ്കെടുത്തു.
