കൊച്ചി: മുന് മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായ ഉമ്മന്ചാണ്ടിയെ വീണ്ടും ആശുപത്രിയില് പ്രവേശിപ്പിച്ചു. ബംഗളൂരുവില് ചികിത്സയില് തുടരുകയാണ് ഉമ്മന്ചാണ്ടി. ഇതിനിടെയാണ് വൈറല് ന്യൂമോണിയ മൂലം വീണ്ടും ആദ്ദേഹത്തെ ആശുപത്രിയില് പ്രവേശിപ്പിച്ചത്. ബംഗളൂരു സംപംഗി രാമ നഗരയിലുള്ള എച്ച്.സി.ജി ആശുപത്രിയിലാണ് ഉമ്മന് ചാണ്ടി ചികിത്സയിലുള്ളത്. മകന് ചാണ്ടി ഉമ്മനാണ് ഫെയ്സ്ബുക്കിലൂടെ ഇക്കാര്യം അറിയിച്ചത്. സന്ദര്ശകര്ക്ക് നിയന്ത്രണമുണ്ടെന്നും എല്ലാവരും അദ്ദേഹത്തിനായി പ്രാര്ത്ഥിക്കണമെന്നും മകന് ചാണ്ടി ഉമ്മന് ഫേസ്ബുക്ക് കുറിപ്പില് പറഞ്ഞു.
ഫെബ്രുവരി 6ന് ഉമ്മന് ചാണ്ടിയെ നേരത്തെ ആശുപത്രിയില് പ്രവേശിപ്പിച്ചിരുന്നു. അന്നും ന്യുമോണിയ ചികിത്സയ്ക്ക് തന്നെയായിരുന്നു ഉമ്മന് ചാണ്ടിയെ ആശുപത്രിയില് പ്രവേശിപ്പിച്ചത്. ഉമ്മന്ചാണ്ടിക്ക് ചികിത്സ നിഷേധിക്കുന്നുവെന്നാരോപിച്ച് സഹോദരന് അലക്സ് വി ചാണ്ടി നേരത്തെ മുഖ്യമന്ത്രി പിണറായി വിജയന് പരാതി നല്കിയിരുന്നു. ഇതിന്റെ അടിസ്ഥാനത്തില് വിഷയത്തില് ആരോഗ്യമന്ത്രി ഇടപെടുകയും മെഡിക്കല് ബോര്ഡ് രൂപീകരിക്കുകയും ചെയ്തിരുന്നു. പിന്നാലെയാണ് അദ്ദേഹത്തെ ചികിത്സക്കായി ബംഗളൂരുവിലേക്ക് മാറ്റിയത്
