മുംബൈ:മലയാളി അടക്കമുള്ള യാത്രക്കാരില് നിന്ന് ഭീഷണിപ്പെടുത്തി ഗൂഗിള് പേ വഴി കൈക്കൂലി വാങ്ങിയ സംഭവത്തില് മുംബൈ വിമാനത്താവളത്തിലെ 34 കസ്റ്റംസ് ഉദ്യോഗസ്ഥരെ സ്ഥലം മാറ്റി. സംഭവത്തില് കസ്റ്റംസ് സൂപ്രണ്ട് അടക്കമുള്ളവരെ സിബിഐ അറസ്റ്റ് ചെയ്തിരുന്നു.
മുംബൈ വിമാനത്താവളത്തില് ഗൂഗിള് പേ ഉപയോഗിച്ച് കസ്റ്റംസ് ഉദ്യോഗസ്ഥര് കൈക്കൂലി വാങ്ങിയത് വലിയ വാര്ത്തയായിരുന്നു. വിദേശത്ത് നിന്ന് വരുന്ന യാത്രക്കാരെ കസ്റ്റംസ് ഡ്യൂട്ടിയുടെ പേര് പറഞ്ഞ് ഭീഷണിപ്പെടുത്തി പണം തട്ടുന്ന കസ്റ്റംസ് ഉദ്യോഗസ്ഥരെയാണ് കഴിഞ്ഞ മാസം സിബിഐ പിടികൂടിയത്. രണ്ട് കസ്റ്റംസ് സൂപ്രണ്ടുമാര്, ഒരു കസ്റ്റംസ് ഇന്സ്പെക്ടര്, ഹവില്ദാര് എന്നിങ്ങനെ നാല് ഉദ്യോഗസ്ഥരെയാണ് സിബിഐ അറസ്റ്റ് ചെയ്തത്. മൂന്ന് സംഭവങ്ങളിലായി 42000 രൂപ കസ്റ്റംസ് ഉദ്യോഗസ്ഥര് കൈക്കൂലി വാങ്ങിയതായി സിബിഐ കണ്ടത്തി. ഭീഷണിക്ക് ഇരയായവരില് ഒരു മലയാളിയും ഉണ്ട്. ഐ ഫോണ് കൈവശം വച്ചതിനാണ് ദുബായില് നിന്നെത്തിയ മലയാളിയെ ഭീഷണിപ്പെടുത്തി കസ്റ്റംസ് ഉദ്യോഗസ്ഥര്, 7000 രൂപ ഗൂഗിള് പേ വഴി കൈവശപ്പെടുത്തിയത്.
