- സര്‍ക്കാര്‍ നീക്കങ്ങള്‍ക്ക് വന്‍ തിരിച്ചടി
കൊച്ചി: യുജിസി ചട്ടങ്ങള്‍ പാലിക്കാത്തതിനാല്‍ കേരള ഫിഷറീസ് സര്‍വകലാശാല വിസി നിയമനം ഹൈക്കോടതി റദ്ദാക്കി. ഡോ. കെ.റിജി ജോണിന്റെ നിയമനമാണ് ഹൈക്കോടതി റദ്ദാക്കിയത്. യു.ജി.സി മാനദണ്ഡങ്ങള്‍ക്ക് വിരുദ്ധമായിട്ടാണ് നിയമനമെന്ന് വ്യക്തമാക്കിയാണ് ഹൈക്കോടതി നിയമനം റദ്ദാക്കിയത്. ഡോ. കെ.റിജി ജോണിന്റെ നിയമനമാണ് ഹൈക്കോടതി റദ്ദാക്കിയത്. യു.ജി.സി മാനദണ്ഡങ്ങള്‍ക്ക് വിരുദ്ധമായിട്ടാണ് നിയമനമെന്ന് വ്യക്തമാക്കിയാണ് ഹൈക്കോടതി നിയമനം റദ്ദാക്കിയത്. കടവന്ത്ര സ്വദേശിയായ ഡോ. കെ.കെ വിജയന്‍ അടക്കം നല്‍കിയ ഹരജികളിലാണ് ഹൈക്കോടതിയുടെ സുപ്രധാന വിധി.
സാങ്കേതിക സര്‍വകലാശാല വി.സി നിയമനം റദ്ദാക്കിയ സുപ്രിംകോടതി വിധിയുടെ പശ്ചാത്തലത്തില്‍ ചാന്‍സലര്‍ കൂടിയായ ഗവര്‍ണര്‍ ആരിഫ് മുഹമ്മദ് ഖാന്‍ കാരണം കാണിക്കല്‍ നോട്ടീസ് നല്‍കിയ വിസിമാരില്‍ ഒരാളാണ് റിജി ജോണ്‍. സെര്‍ച്ച് കമ്മിറ്റി ഏകകണ്ഠമായി ഒരു പേരായാണ് റിജി ജോണിനെ നിര്‍ദേശിച്ചത്. ഇത് സര്‍വകലാശാല നിയമത്തിന് വിരുദ്ധമാണെന്നും അക്കാദമിക യോഗ്യതയില്ലാത്തവരാണ് സെര്‍ച്ച് കമ്മിറ്റിയിലുണ്ടായിരുന്നതെന്നുമായിരുന്നു ഹരജിക്കാരുടെ വാദം, ഇത് ഹൈക്കോടതി ശരിവച്ചു. 2021 ജനുവരി 23നാണ് ഡോ. റിജി ജോണിനെ ഫിഷറീസ് സര്‍വകലാശാലയില്‍ വിസിയായി നിയമിച്ച് ഗവര്‍ണര്‍ ഉത്തരവിറക്കിയത്. കുഫോസ് വിസി നിയമനത്തില്‍ ഡിവിഷന്‍ ബെഞ്ചിന്റെ വിധി കാരണം കാണിക്കല്‍ നോട്ടീസ് ലഭിച്ച മറ്റ് വിസിമാരുടെ കാര്യത്തിലും ബാധകമാകും. ചീഫ് ജസ്റ്റിസ് അധ്യക്ഷനായ ഡിവിഷന്‍ ബഞ്ചാണ് കേരള ഫിഷറീസ് സര്‍വകലാശാല വിസി നിയമനം റദ്ദാക്കിയത്.
