ന്യൂഡല്ഹി: രാജീവ് ഗാന്ധി വധക്കേസില് നളിനിയെ ഉള്പ്പടെ ആറ് പ്രതികളെയും മോചിപ്പിക്കാന് സുപ്രീംകോടതി ഉത്തരവിട്ടു. ബി.ആര് ഗവായ് അധ്യഷനായ ബെഞ്ചിന്റേതാണ് ഉത്തരവ്. പ്രതികളായ നളിനി ശ്രീഹര്, റോബര്ട്ട് പാരിസ്, രവിചന്ദ്രന്, രാജ, ശ്രീഹരന്, ജയ്കുമാര് എന്നിവരെ മോചിപ്പിക്കാനാണ് സുപ്രീംകോടതി ഉത്തരവിട്ടത്. പ്രതികള് 30 വര്ഷത്തോളം ജയിലില് കഴിഞ്ഞുവെന്നും ജയിലിലെ പെരുമാറ്റം തൃപ്തികരമായിരുന്നെന്നും കോടതി നിരീക്ഷിച്ചു. നളിനിയുടെയും ആര്.പി. രവിചന്ദ്രന്റെയും നേരത്തെയുള്ള മോചനത്തിന് തമിഴ്നാട് സര്ക്കാര് അനുകൂല നിലപാടെടുത്തിരുന്നു. എല്ലാ പ്രതികളെയും വിട്ടയക്കാന് തമിഴ്നാട് സര്ക്കാര് ശുപാര്ശ ചെയ്തിട്ടും ഗവര്ണര് നടപടിയെടുത്തില്ലെന്നും കോടതി പറഞ്ഞു. പ്രതികള് മൂന്ന് പതിറ്റാണ്ടിലേറെ ജയിലില് കിടന്നിട്ടുണ്ട്. അവരുടെ പെരുമാറ്റം തൃപ്തികരമാണെന്നും കോടതി വ്യക്തമാക്കി. എന്നാല് കേസിന്റെ വാദത്തിനിടെ. കേന്ദ്രസര്ക്കാരിന്റെ അഭിഭാഷകന് കോടതിയില് ഹാജരായിരുന്നില്ല. കേസിലെ ആറ് പ്രതികളില് രവിചന്ദ്രന്, റോബര്ട്ട് പയസ്, മുരുകന് എന്നിവര് ശ്രീലങ്കന് സ്വദേശികളാണ്. കേസിലെ മറ്റൊരു പ്രതിയായിരുന്ന പേരറിവാളന് മുപ്പത് കൊല്ലത്തിലധികത്തെ ജയിലില് വാസത്തിന് പിന്നാലെ മാസങ്ങള്ക്ക് മുമ്പ് മോചിതനായിരുന്നു.മെയ് 18 നാണ് പേരറിവാളനെ മോചിപ്പിക്കാന് സുപ്രീംകോടതി ഉത്തരവിട്ടത്. ഇതിന് പിന്നാലെ പ്രതികളായ നളിനി ശ്രീഹരനും പി.രവിചന്ദ്രനും മദ്രാസ് ഹൈക്കോടതിയില് മോചന ഹരജി നല്യിരുന്നെങ്കിലും കോടതി അത് തള്ളി.
1991 മെയ് 21 -ന് രാത്രി ശ്രീപെരുംപുത്തൂരിലെ തെരഞ്ഞെടുപ്പ് റാലിയില് പങ്കെടുക്കവേയാണ് രാജീവ് ഗാന്ധി ചാവേര് ബോംബാക്രമണത്തില് കൊല്ലപ്പെട്ടത്. കൊലക്കേസിലെ പ്രതികള് 1998 ജനുവരിയില് സ്പെഷ്യല് ടാഡ കോടതിയില് നടന്ന വിചാരണയ്ക്ക് ശേഷം വധശിക്ഷയ്ക്ക് വിധിക്കപ്പെട്ടു. 1999 മെയ് 11 -ന് മേല്ക്കോടതി വധശിക്ഷ ശരിവെച്ചു. കൊലപാതകം നടന്ന് 24 കൊല്ലത്തിന് ശേഷം 2014 -ല് സുപ്രീംകോടതി നളിനിയടക്കം മൂന്ന് പേരുടെ വധശിക്ഷ ജീവപര്യന്തമാക്കി വെട്ടിച്ചുരുക്കി. അവര് സമര്പ്പിച്ച ദയാഹര്ജി കേന്ദ്രം 11 കൊല്ലം വൈകിച്ചു എന്നതായിരുന്നു അന്ന് കോടതി ചൂണ്ടിക്കാണിച്ച കാരണം.
