- രാവിലെ ആറ് മുതല്‍ വൈകീട്ട് ആറ് വരെയാണ് ഹര്‍ത്താല്‍
കോഴിക്കോട്: സംസ്ഥാനത്ത് നാളെ ഹര്‍ത്താലിന് ആഹ്വാനം ചെയ്ത് പോപുലര്‍ ഫ്രണ്ട്. ദേശവ്യാപകമായി എന്‍.ഐ.എ നടത്തിയ റെയ്ഡില്‍ പി.എഫ്.ഐ നേതാക്കളെ അറസ്റ്റ് ചെയ്തതില്‍ പ്രതിഷേധിച്ചാണ് പോപുലര്‍ ഫ്രണ്ട് ഹര്‍ത്താലിന് ആഹ്വാനം ചെയ്തത്. രാവിലെ ആറ് മുതല്‍ വൈകീട്ട് ആറ് വരെയാണ് ഹര്‍ത്താല്‍.
ഇന്ന് പുലര്‍ച്ചെയാണ് എന്‍.ഐ.എ കേരളം ഉള്‍പ്പെടെയുള്ള 13 സംസ്ഥാനങ്ങളില്‍ പോപുലര്‍ ഫ്രണ്ടിന്റെ ഓഫിസുകളിലും നേതാക്കന്മാരുടെ വീടുകളിലും റെയ്ഡ് നടത്തിയത്. റെയ്ഡിനോടനുബന്ധിച്ച് 106 പേരെ കസ്റ്റഡിയിലെടുക്കുകയും ചെയ്തു. കേരളത്തില്‍നിന്നാണ് ഏറ്റവും കൂടുതല്‍ നേതാക്കളെ അറസ്റ്റ് ചെയ്തിരിക്കുന്നത്. ഇതില്‍ പ്രതിഷേധിച്ചാണ് ഹര്‍ത്താലിന് ആഹ്വാനം ചെയ്തിരിക്കുന്നത്.
