മലപ്പുറം: വയനാട് ലോക്സഭാ ഉപതിരഞ്ഞെടുപ്പ് നടക്കുന്ന നവംബര് 13-ന് മലപ്പുറം ജില്ലയിലെ ഏറനാട്, വണ്ടൂര്, നിലമ്പൂര് നിയോജക മണ്ഡലം പരിധിയിലുള്ള എല്ലാ സര്ക്കാര്- പൊതുമേഖലാ സ്ഥാപനങ്ങള്ക്കും വിദ്യാഭ്യാസ സ്ഥാപനങ്ങള്ക്കും സര്ക്കാര് പൊതുഅവധി പ്രഖ്യാപിച്ചു. നെഗോഷ്യബിള് ഇന്സ്ട്രുമെന്റ് ആക്ട് പ്രകാരവും ഈ മണ്ഡലങ്ങളില് ഈ ദിവസം അവധിയായിരിക്കും.
എല്ലാ സ്വകാര്യ വാണിജ്യ- വ്യവസായ സ്ഥാപനങ്ങളും മറ്റ് സ്വകാര്യ സ്ഥാപനങ്ങളും ജീവനക്കാര്ക്ക് ശമ്പളത്തോട് കൂടിയ അവധി നല്കണം. കൂടാതെ ഉപതിരഞ്ഞെടുപ്പ് നടക്കുന്ന വയനാട്, ചേലക്കര മണ്ഡലങ്ങളില് വോട്ടുള്ളവരും എന്നാല് മണ്ഡലത്തിന് പുറത്ത് ജോലി ചെയ്യുന്നവരുമായ എല്ലാ സര്ക്കാര്- സ്വകാര്യ സ്ഥാപനങ്ങളിലെ ജീവനക്കാര്ക്കും ഈ ദിവസം ശമ്പളത്തോടു കൂടിയ അവധിയായിരിക്കും.
ഉപതിരഞ്ഞെടുപ്പ് നടക്കുന്ന മലപ്പുറത്തെ മൂന്ന് മണ്ഡലങ്ങളില്
13-ന് പൊതുഅവധി
