കോഴിക്കോട്: കേരള ശിഹാബ് തങ്ങള്‍ സ്വയം സഹായ സംഘം ആന്റ് വനിത വിംഗ് സംഘടിപ്പിച്ച പ്രവര്‍ത്തക സംഗമവും ആദരവും നാഷണല്‍ ഹോസ്പിറ്റല്‍,കെ.എം.സി.ടി ഗ്രൂപ്പ് ചെയര്‍മാന്‍ ഡോ.കെ.മൊയ്തു ഉദ്ഘാടനം ചെയ്തു.ഇന്‍ഡോര്‍ സ്റ്റേഡിയം ഹാളില്‍ നടന്ന പരിപാടിയില്‍ സംഘം പ്രസിഡന്റ് പി.എം മുസമ്മില്‍ പുതിയറ അധ്യക്ഷനായി. ലോക കേരളസഭ അംഗമായി വീണ്ടും തിരഞ്ഞെടുത്ത കബീര്‍ സലാലയെ ഡോ. മൊയ്തു പൊന്നാട ചാര്‍ത്തി ആദരിച്ചു. ഇന്റര്‍നാഷണല്‍ മൈന്‍ഡ് പവര്‍ ട്രെയിനര്‍ ആയിഷ നിഹാല മുഖ്യപ്രഭാഷണം നടത്തി.പി.എം മുഹമ്മദ് സഹീര്‍, സി.എ അബ്ദുല്‍ റസാഖ്,സാബിറ പൈക്കാട്ട്, സാജിത ബേപ്പൂര് പ്രസംഗിച്ചു. സംഘം സെക്രട്ടറി സക്കീല കക്കോടി സ്വാഗതവും ഹൈറുന്നിസ ഫറോക്ക് നന്ദിയും പറഞ്ഞു. സമ്മാനവിതരണവും കലാപരിപാടികളും നടന്നു.
