കുന്നംകുളം: 65-ാ മത് സംസ്ഥാന സ്‌കൂള്‍ കായികോത്സവം സമാപിച്ചു. നിലവിലെ ചാമ്പ്യന്മാരായ പാലക്കാട് 231 പോയിന്റോടെ കിരീടം നിലനിര്‍ത്തി. 151 പോയിന്റോടെ മലപ്പുറമാണ് രണ്ടാമത്. സ്‌കൂളുകളില്‍ നിലവിലെ ചാമ്പ്യന്മാരായ ഐഡിയല്‍ കടകശ്ശേരി 57 പോയിന്റുമായി കിരീടം നിലനിര്‍ത്തി. മാര്‍ബേസില്‍ കോതമംഗലത്തെ അവസാന നിമിഷം പിന്നിലാക്കിയാണ് ഐഡിയല്‍ കടകശ്ശേരിയുടെ കിരീട നേട്ടം. കഴിഞ്ഞ വര്‍ഷം ഏഴു സ്വര്‍ണം നേടിയ ഐഡിയല്‍ ഇത്തവണ അഞ്ചു സ്വര്‍ണമാണ് സ്വന്തമാക്കിയത്.
87 പോയിന്റോടെ എറണാകുളം മൂന്നാം സ്ഥാനത്തും 73 പോയിന്റുമായി കോഴിക്കോട് നാലാം സ്ഥാനത്തുമാണ്. സീനിയര്‍ പെണ്‍കുട്ടികളുടെ 200 മീറ്ററിലെ സ്വര്‍ണ നേട്ടത്തിന് പിന്നാലെ പാലക്കാടിന്റെ ജ്യോതിക എം ട്രിപ്പിളടിക്കുകയും ചെയ്തു
