ന്യൂ മാഹി: പെരിങ്ങാടി ശ്രീ കാഞ്ഞിരമുള്ള പറമ്പ് ഭഗവതി ക്ഷേത്രത്തിലെ ഈ വര്‍ഷത്തെ മണ്ഡല മഹോത്സവം മണ്ഡലവിളക്കോട് കൂടി സമാപിച്ചു. 41 ദിവസം നീണ്ടുനിന്ന മണ്ഡല മഹോത്സവ സമാപനം മദ്യ വിമോചന സമിതി സംസ്ഥാന സെക്രട്ടറി സി.വി രാജന്‍ പെരിങ്ങാടി ഉദ്ഘാടനം ചെയ്തു. ക്ഷേത്ര പ്രസിഡന്റ് ടി.പി ബാലന്‍ അധ്യക്ഷത വഹിച്ചു. ക്ഷേത്ര സെക്രട്ടറി പി.കെ സതീഷ് കുമാര്‍ സ്വാഗതവും ഒ.വി ജയന്‍ നന്ദിയും പറഞ്ഞു. തുടര്‍ന്ന് മ്യൂസിക് ഓഫ് മയ്യഴിയുടെ ഭക്തിഗാനമേളയും തുടര്‍ന്ന് അത്താഴമൂട്ടും നടന്നു. രണ്ടു ദിവസങ്ങളിലായി ക്ഷേത്രത്തില്‍ ശാസ്തപ്പന്‍ നേര്‍ച്ച വെള്ളാട്ടം ഉണ്ടായി. പി.വി അനില്‍കുമാര്‍, കണ്ടോത് രാജീവന്‍, സന്തോഷ് തുണ്ടയില്‍,മേച്ചോളില്‍ മുകുന്ദന്‍,വിജയന്‍ എം, ഷാജീഷ് സി.ടി.കെ, ഒ.വി വിനയന്‍ എന്നിവര്‍ നേതൃത്വം നല്‍കി.
