കാസര്‍കോട്: കാസര്‍കോട് സ്‌കൂള്‍ ശാസ്ത്ര മേളയ്ക്കിടെ പന്തല്‍ തകര്‍ന്നു. മഞ്ചേശ്വരം ഉപജില്ലാ മത്സരത്തിനിടെയാണ് തകര ഷീറ്റുകൊണ്ട് നിര്‍മിച്ച പന്തല്‍ തകര്‍ന്നത്. മഞ്ചേശ്വരം ബേക്കൂര്‍ ഗവ. ഹയര്‍സെക്കന്ററി സ്‌കൂളിലാണ് സംഭവം. 20 വിദ്യാര്‍ത്ഥികള്‍ക്ക് പരിക്കേറ്റു. നാല് വിദ്യാര്‍ത്ഥികളുടെയും ഒരു അധ്യാപകന്റെയും പരുക്ക് ഗുരുതരമാണ്. നാലുപേരെ മംഗലാപുരത്തെ സ്വകാര്യ ആശുപത്രിയിലേക്ക് മാറ്റി. വിഷയത്തില്‍ അന്വേഷണം നടത്താന്‍ കാസര്‍കോട് വിദ്യാഭ്യാസ ഉപഡയറക്ടര്‍ക്ക് നിര്‍ദേശം നല്‍കി. ഇന്നലെയാണ് ബേക്കൂര്‍ സ്‌കൂളില്‍ ശാസ്ത്രമേള തുടങ്ങിയത്.
