എസ്എംഎ മരുന്ന് വിവാദം: സര്‍ക്കാരിന് വിഷയത്തിന്റെ ഗൗരവം മനസിലായിട്ടില്ല; പ്രതിപക്ഷ നേതാവ്
തിരുവനന്തപുരം: എസ്എംഎ മരുന്ന് വിവാദത്തില്‍ സര്‍ക്കാറിന് വിഷയത്തിന്റെ ഗൗരവം മനസിലായിട്ടില്ലെന്നും ജനറിക് മരുന്നിന് എതിരായ നീക്കമാണ് പ്രതിപക്ഷം നടത്തുന്നതെന്ന് മന്ത്രി തെറ്റിദ്ധരിപ്പിക്കുകയാണെന്നും പിണറായി വിജയന്‍ പറഞ്ഞു.
എസ്എംഎ രോഗികള്‍ക്ക് ക്ലിനിക്കല്‍ ട്രയല്‍ ലേബലുള്ള മരുന്ന് നല്‍കിയത് സര്‍ക്കാരിന്റെ വീഴ്ചയാണ്. സര്‍ക്കാരിന്റെ വീഴ്ച അന്വേഷിക്കണമെന്നാണ് ഇടത് നേതാക്കള്‍ ആവശ്യപ്പെട്ടത്. ഇക്കാര്യം ഉന്നയിച്ച് കെ. മുരളീധരന് ഒക്ടോബര്‍ 12ന് കത്ത് നല്‍കിയിരുന്നു.
എന്നാല്‍ രണ്ടാഴ്ചയായിട്ടും മറുപടി നല്‍കാനുള്ള ജനാധിപത്യ മര്യാദ കാണിച്ചില്ല. പിന്നാലെയാണ് മരുന്ന് കമ്പനിക്കാര്‍ മന്ത്രിയെ കണ്ട തെളിവുകള്‍ പുറത്തുവന്നതെന്നും അദ്ദേഹം കൂട്ടിച്ചേര്‍ത്തു. ഈ വിഷയത്തില്‍ സമഗ്രമായ അന്വേഷണം നടത്തണം. അറിഞ്ഞോ അറിയാതെയോ ഇളം തലമുറയെ പരീക്ഷണ വസ്തുക്കളാക്കരുതെന്നും പിണറായി വിജയന്‍ പറഞ്ഞു.
അതേസമയം എസ്എംഎ മരുന്നുമായി ബന്ധപ്പെട്ട് രക്ഷിതാക്കള്‍ക്ക് ഉണ്ടായിരുന്ന ആശങ്ക പരിഹരിക്കപ്പെട്ടെന്ന് കെ. മുരളീധരന് പറഞ്ഞു. രക്ഷിതാക്കള്‍ ഒരു പരാതിയും തന്നോട് പറഞ്ഞിട്ടില്ല. പ്രതിപക്ഷത്തിന്റെ ആരോപണങ്ങള്‍ക്ക് നിയമസഭയില്‍ മറുപടി നല്‍കുമെന്നും മുരളീധരന് വ്യക്തമാക്കി.
