കോഴിക്കോട്: ഇന്‍ഡിപ്പെന്‍ഡന്റ് ആര്‍ട്ടിസ്റ്റ്‌സ് കോണ്‍ഗ്രസ് (ഐഎസി) ജില്ലാ കണ്വന്ഷന് നാളെ(ഞായര്‍) വൈകിട്ട് 3മണിക്ക് കൈരളി ശ്രീ വേദി ഓഡിറ്റോറിയത്തില്‍ നടക്കും. കോഴിക്കോട്ടെ ശ്രദ്ധേയരായ എട്ട് മുതിര്‍ന്ന കലാകാരന്മാരെ ചടങ്ങില്‍ ആദരിക്കും. കലാപ്രവര്‍ത്തകര്‍ക്ക് ഭക്ഷ്യക്കിറ്റ് വിതരണം നടക്കും. ഐഎസി ജില്ലാ പ്രസിഡന്റ് സുരേന്ദ്രന്‍ പാലേരി അധ്യക്ഷതവഹിക്കും. കണ്വന്ഷന് മുന്നോടിയായി ദേശീയ പ്രസിഡന്റ് നൗഫല്‍ മേച്ചരി പതാക ഉയര്‍ത്തും. കണ്വന്ഷന് എംകെ രാഘവന്‍ എംപി ഉദ്ഘാടനം ചെയ്യും. ഡിസിസി പ്രസിഡന്റ് അഡ്വ. കെ പ്രവീണ്‍കുമാര്‍ മുഖ്യപ്രഭാഷണം നടത്തും.
യൂത്ത് ലീഗ് സംസ്ഥാന ജനറല്‍ സെക്രട്ടറി പി കെ ഫിറോസ് മുഖ്യാതിഥിയാകും. കെപിസിസി ജനറല്‍ സെക്രട്ടറി അഡ്വ.പി എം നിയാസ്, ഐഎസി ദേശീയ പ്രസിഡന്റ് നൗഫല്‍ മേച്ചേരി ഐഎസി സംസ്ഥാന കോര്‍ഡിനേറ്ററും മുന്‍ കെപിസിസി അംഗവുമായ ടിവിപുരം രാജു എന്നിവര്‍ സംസാരിക്കും. പ്രവര്‍ത്തന രൂപരേഖ ദേശീയ ജനറല്‍ സെക്രട്ടറി എന്‍വി മുഹമ്മദലി അവതരിപ്പിക്കും. ഐഎസി ദേശീയ വൈസ് പ്രസിഡന്റ് മനോജ്കുമാര്‍, ദേശീയ സെക്രട്ടറിമാരായ എസ് പി അബൂബക്കര്‍, അഷ്റഫ് അലി എന്നിവര്‍ ആശംസകള്‍നേരും. മുതിര്‍ന്ന കലാപ്രവര്‍ത്തകരായ ശ്രീകുമാര്‍ നിയതി, സുശീല വേണുഗോപാല്‍, സിബല്ല സദാനന്ദന്‍, പപ്പന്‍ കാവില്‍, ഹരിദാസ് കോഴിക്കോട്, ദേവദാസ് മീഞ്ചന്ത, പ്രഭാകരന്‍ കൊയിലാണ്ടി, പ്രകാശ് പയ്യാനക്കല്‍ എന്നിവരെ ആദരിക്കും. ഐഎസി ജില്ലാ ജനറല്‍ സെക്രട്ടറി രതീഷ് ചെറുകുളത്തൂര്‍ സ്വാഗതവും ജില്ലാ വൈസ് പ്രസിഡന്റ് ജുനൈസ് കണ്ണാടിക്കല്‍ നന്ദിയും പറയും.
