ഇന്റര്‍നെറ്റ് കണക്ഷന്റെ ആവശ്യമില്ലാതെ ഫയലുകള്‍ അയക്കാന്‍ പുതിയ ഫീച്ചര്‍ കണ്ടെത്തി വാട്സാപ്പ്.ഷെയറിറ്റ്, എക്സെന്റര്‍ പോലുള്ള ആപ്പുകള്‍ പ്രവര്‍ത്തിച്ചിരുന്നതിന് സമാനമായി ബ്ലൂടൂത്ത് ഉപയോഗിച്ച് അടുത്തുള്ള ഉപകരണങ്ങള്‍ കണ്ടെത്തി ഫയലുകള്‍ പങ്കുവെക്കുന്ന സംവിധാനമാണിത്.ചിത്രങ്ങള്‍, ശബ്ദഫയലുകള്‍, ഡോക്യുമെന്റുകള്‍ എന്നിവയെല്ലാം ഈ രീതിയില്‍ അയക്കാനാവും. വാട്സാപ്പ് ഫീച്ചര്‍ ട്രാക്കിങ് വെബ്സൈറ്റായ വാബീറ്റാ ഇന്‍ഫോയാണ് ഈ വിവരം റിപ്പോര്‍ട്ട് ചെയ്തത്.ഫോണ്‍ നമ്പറുകള്‍ മാസ്‌ക് ചെയ്തും ഫയലുകള്‍ എന്‍ക്രിപ്റ്റ് ചെയ്തുമാണ് വാട്സാപ്പിലെ ഓഫ്ലൈന് ഫയല്‍ ഷെയറിങ് നടക്കുക. സമീപത്തുള്ള ഉപഭോക്താക്കള്‍ തമ്മില്‍ മത്രമേ ഈ രീതിയില്‍ ഫയല്‍ കൈമാറ്റം സാധ്യമാവൂ.
സമീപ ഭാവിയില്‍ തന്നെ ഈ ഫീച്ചര്‍ ലഭ്യമാകുമെന്ന് പ്രതീക്ഷിക്കാം.
ഓഫ്ലൈന് ഫയല്‍ ട്രാന്‍സ്ഫറുമായി വാട്സാപ്പ്
