ന്യൂഡല്‍ഹി: ആര്‍ക്കിടെക്ചര്‍, എന്‍ജിനിയറിങ്, ഇലക്ട്രോണിക്‌സ് തുടങ്ങി ഇനിയുമുണ്ട് ഡല്‍ഹി എയര്‍പോര്‍ട്‌സ് അതോറിറ്റി ഓഫ് ഇന്ത്യയ്ക്ക് കീഴില്‍ ഒഴിവുകള്‍. 490 ജൂനിയര്‍ എക്‌സിക്യൂട്ടീവ് ഒഴിവുകളിലേക്ക് ഇപ്പോള്‍ അപേക്ഷിക്കാം. ഏപ്രില്‍ രണ്ട് മുതല്‍ മേയ് ഒന്നുവരെ ഓണ്‍ലൈനായി അപേക്ഷിക്കാന്‍ അവസരമുണ്ട്.
ആര്‍ക്കിടെക്ചര്‍, എന്‍ജിനീയറിങ് – സിവില്‍, എന്‍ജിനീയറിങ് – ഇലക്ട്രിക്കല്‍, ഇലക്ട്രോണിക്‌സ്, ഐടി എന്നീ ജൂനിയര്‍ എക്‌സിക്യൂട്ടീവ് ഒഴിവുകളിലേക്കാണ് അപേക്ഷിക്കാന്‍ അവസരം. അപേക്ഷകര്‍ ബന്ധപ്പെട്ട വിഷയത്തില്‍ ഗേറ്റ് 2024 യോഗ്യത നേടിയിരിക്കണം. 27 വയസാണ് പ്രായപരിധി. അര്‍ഹര്‍ക്ക് ഇളവുണ്ടായിരിക്കും. 40,000 – 1,40,000 രൂപ വരെ ശമ്പളം ലഭിക്കും.
300 രൂപ ഓണ്‍ലൈനായി ഫീസ് ഇനത്തില്‍ അടയ്ക്കണം. പട്ടികവിഭാഗം, ഭിന്നശേഷിക്കാര്‍, സ്ത്രീകള്‍, എയര്‍പോര്‍ട് അതോറിറ്റി ഓഫ് ഇന്ത്യയില്‍ ഒരു വര്‍ഷ അപ്രന്റിസ്ഷിപ് പരിശീലനം പൂര്‍ത്തിയാക്കിയ അപ്രന്റിസുകള്‍ എന്നിവരില്‍നിന്ന് ഫീസ് ഈടാക്കില്ല.
