കോഴിക്കോട്: ദയാപുരം വിദ്യാഭ്യാസ സാംസ്‌കാരിക കേന്ദ്രം ഏര്‍പ്പെടുത്തിയ ഷെയ്ഖ് അന്‍സാരി അവാര്‍ഡിന് കഴിഞ്ഞ 30 വര്‍ഷമായി പാലിയേറ്റീവ് കെയര്‍ രംഗത്ത് പ്രവര്‍ത്തിക്കുന്ന കോഴിക്കോട്ടെ ഇന്‍സ്റ്റിറ്റ്യൂട്ട് ഓഫ് പാലിയേറ്റീവ് മെഡിസിനെ തിരഞ്ഞെടുത്തതായി ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. 2 ലക്ഷം രൂപയും പ്രശസ്തി പത്രവുമടങ്ങുന്നതാണ് അവാര്‍ഡ്. വാര്‍ത്താസമ്മേളനത്തില്‍ ഡോ.എം.എം.ബഷീര്‍,സി.ടി.അബ്ദുറഹീം, എന്‍.പി.ആഷ്‌ലി, ദയാപുരം റസിഡന്‍ഷ്യല്‍ സ്‌കൂള്‍ പ്രിന്‍സിപ്പല്‍ ജ്യോതി.പി, ദയാപുരം ആര്‍ട്‌സ് ആന്റ് സയന്‍സ് കോളേജ് പ്രിന്‍സിപ്പല്‍ ഡോ.നിമ്മി.ജോണ്‍ വി എന്നിവര്‍ പങ്കെടുത്തു.
