ലഖ്നൗ: കൊറോണ വൈറസ് പടരുന്ന സാഹചര്യത്തില്‍ ഉത്തര്‍പ്രദേശ് കേരള മാതൃക പിന്തുടരാൻ ഒരുങ്ങുന്നു. എട്ടാം ക്ലാസുവരെയുള്ള പരീക്ഷകള്‍ സര്‍ക്കാര്‍ ഒഴിവാക്കി. എട്ടാം ക്ലാസ് വരെയുള്ള എല്ലാ വിദ്യാര്‍ഥികളെയും പരീക്ഷയില്ലാതെ അടുത്ത ക്ലാസിലേക്ക് സ്ഥാനക്കയറ്റം നല്‍കാന്‍ ഉത്തര്‍പ്രദേശ് സര്‍ക്കാര്‍ തീരുമാനിച്ചു.വിദ്യാര്‍ഥിയുടെ വര്‍ഷത്തിലെ മുഴുവന്‍ പ്രകടനവും വിലയിരുത്തിയാവും ഉയര്‍ന്ന ക്ലാസിലേക്ക് സ്ഥാനക്കയറ്റം നല്‍കുക
സ്കൂളുകള്‍ അടച്ചിടേണ്ടിവരുന്ന സാഹചര്യം കണക്കിലെടുത്താണ് തീരുമാനമെന്ന് യുപി ഉപമുഖ്യമന്ത്രിയും വിദ്യാഭ്യാസ മന്ത്രിയുമായ ദിനേഷ് ശര്‍മ പറഞ്ഞു.
ഹൈസ്കൂള്‍, ഇന്‍റര്‍മീഡിയറ്റ് പരീക്ഷകളുടെ ഉത്തരക്കടലാസുകളുടെ മൂല്യനിര്‍ണയം ഏപ്രില്‍ രണ്ടുവരെ നീട്ടി.
