കുവൈറ്റ് സിറ്റി : കൊറോണ വൈറസ് വ്യാപനം തടയുന്നതിന്റെ ഭാഗമായി കുവൈത്തിൽ രണ്ടാഴ്ച പൊതു അവധി പ്രഖ്യാപിച്ചു .
മാര്‍ച്ച്‌ 12 മുതല്‍ 26 വരെയാണ് അവധി പ്രഖ്യാപിച്ചത്. 29നായിരിക്കും ഇനി പ്രവര്‍ത്തനം പുനരാരംഭിക്കുക.
ജനങ്ങള്‍ കൂട്ടം കൂടുന്നത് ഒഴിവാക്കാന്‍ കോഫി ഷോപ്പുകള്‍, റെസ്റ്ററന്‍റുകള്‍, ഷോപ്പിംഗ് മാളുകള്‍, ജിംനേഷ്യങ്ങള്‍ തുടങ്ങിവയെല്ലാം അടച്ചിടാനും ഉത്തരവിട്ടിട്ടുണ്ട്.
ഇനിയൊരു അറിയിപ്പ് ഉണ്ടാകുന്നത് വരെ നിയന്ത്രണം തുടരും. അവശ്യ സര്‍വീസുകള്‍ പ്രവര്‍ത്തിക്കും.
അതേസമയം രാജ്യത്തു നിന്നുള്ളതും രാജ്യത്തേക്ക് എത്തേണ്ടിയിരുന്നതുമായ എല്ലാ വാണിജ്യ വിമാന സര്‍വീസുകളും റദ്ദാക്കുന്നുവെന്ന് കുവൈറ്റ് ഭരണകൂടം അറിയിച്ചു.
കാര്‍ഗോ സര്‍വീസ് ഒഴികെയുള്ള വിമാനങ്ങളുടെ സര്‍വീസാണ് നിര്‍ത്തിവച്ചിരിക്കുന്നത്.
