ആലപ്പുഴ: ഓണം ബംപര് 25 കോടി അടിച്ച ഭാഗ്യവാന് തുറവൂര് സ്വദേശി ശരത് എസ്.നായര്. നെട്ടൂര് നിപ്പോണ് പെയിന്റ്സ് ജീവനക്കാരനായ ശരത് നെട്ടൂരില് നിന്നാണു ടിക്കറ്റ് എടുത്തത്. തുറവൂര് തൈക്കാട്ടുശേരി എസ്ബിഐ ശാഖയില് ടിക്കറ്റ് ഹാജരാക്കി.
നെട്ടൂരിലെ ലോട്ടറി ഏജന്റ് എം.ടി.ലതീഷില് നിന്നാണ് ടിക്കറ്റ് വാങ്ങിയത്. ബംപര് അടിച്ച നമ്പര് ഉള്ള മറ്റ് സീരീസുകളിലെ 9 ടിക്കറ്റുകളും ലതീഷ് വഴിയാണു വിറ്റത്. ഇവയ്ക്ക് 5 ലക്ഷം രൂപവീതം സമാശ്വാസ സമ്മാനം ലഭിക്കും. തിരുവനന്തപുരം ആറ്റിങ്ങല് ഭഗവതി ഏജന്സീസിന്റെ വൈറ്റില ശാഖയില് നിന്നാണ് ലതീഷ് ടിക്കറ്റ് വാങ്ങിയത്.
