മലപ്പുറം: മലപ്പുറത്ത് ഒരാള്ക്ക് കൂടി അമീബിക് മസ്തിഷ്കജ്വരം സ്ഥിരീകരിച്ചു. മലപ്പുറം ചേളാരി സ്വദേശിയായ 11 വയസ്സുള്ള കുട്ടിക്കാണ് രോഗബാധ സ്ഥിരീകരിച്ചത്. കടുത്ത പനിയെത്തുടര്ന്ന് കുട്ടി കോഴിക്കോട് മെഡിക്കല് കോളജ് ആശുപത്രിയില് ചികിത്സയിലാണ്. മെഡിക്കല് കോളജിലെ മൈക്രോ ബയോളജി ലാബില് നടത്തിയ സ്രവ പരിശോധനയിലാണ് അമീബിക് മസ്തിഷ്ക ജ്വരമാണെന്ന് സ്ഥിരീകരിച്ചത്. കുട്ടിക്ക് എങ്ങനെയാണ് രോഗം ബാധിച്ചത് എന്നതടക്കമുള്ള പരിശോധന നടത്തുമെന്ന് ആരോഗ്യവകുപ്പ് അറിയിച്ചു.മുന് കരുതലിന്റെ ഭാഗമായി ജലാശയങ്ങളില് ക്ലോറിനേഷന് നടത്താന് തദ്ദേശ സ്ഥാപനങ്ങള്ക്ക് ആരോഗ്യവകുപ്പ് നിര്ദേശം നല്കി.
കോഴിക്കോട് മെഡിക്കല് കോളജില് നിലവില് അമീബിക് മസ്തിഷ്ക ജ്വരം സ്ഥിരീകരിച്ച രണ്ടുപേരാണ് ചികിത്സയിലുള്ളത്. ഇതില് മൂന്നു മാസം പ്രായമുള്ള കുട്ടിയും ഉള്പ്പെടുന്നു. അതീവഗുരുതരാവസ്ഥയിലുള്ള കുട്ടി അതിതീവ്ര പരിചരണ വിഭാഗത്തിലാണ് ചികിത്സയിലുള്ളത്. അമീബിക് മസ്തിഷ്ക ജ്വരത്തിന്റെ ലക്ഷണങ്ങളോടെ ഒരു 49 കാരനെക്കൂടി മെഡിക്കല് കോളജില് പ്രവേശിപ്പിച്ചിട്ടുണ്ട്.
മലപ്പുറത്ത് 11 വയസുള്ള കുട്ടിക്ക് മസതിഷ്ക ജ്വരം
