കോഴിക്കോട്: നവാഗതരായ സാഹിത്യകാരന്മാരെ വളര്ത്തിക്കൊണ്ടുവരുന്നതിന്റെ ഭാഗമായി പീപ്പിള്സ് റിവ്യൂ സംഘടിപ്പിക്കുന്ന ഏകദിന സാഹിത്യ ക്യാമ്പിന്റെ ലോഗോ പ്രകാശനം പ്രശസ്ത കവിയും, പീപ്പിള്സ് റിവ്യൂ മുഖ്യ ഉപദേഷ്ടാവുമായ പി.പി.ശ്രീധരനുണ്ണി സാഹിത്യകാരന് ഉസ്മാന് ഒഞ്ചിയത്തിന് നല്കി പ്രകാശനം ചെയ്തു. ചടങ്ങില് പീപ്പിള്സ് റിവ്യൂ മുഖ്യ പത്രാധിപര് പി.ടി.നിസാര് സന്നിഹിതനായിരുന്നു. സെപ്തംബര് 27ന് ഗുരുകുലം ആര്ട് ഗാലറിയില് കാലത്ത് 9.30 മുതല് ആരംഭിച്ച് വൈകിട്ട് 5.30 വരെയാണ് ക്യാമ്പ്.പി.പി.ശ്രീധരനുണ്ണിയാണ് ക്യാമ്പ് ഡയറക്ടര്. ക്യാമ്പിന്റെ ഭാഗമായി ചെറുകഥാ മത്സരവും, കവിതാ മത്സരവും സംഘടിപ്പിക്കുന്നുണ്ട്. രചനകള് സെപ്തംബര് 10നകം ചീഫ് എഡിറ്റര്, പീപ്പിള്സ് റിവ്യൂ, ലിന്വുഡ്, പൊറ്റങ്ങാടി രാഘവന് റോഡ്, പി.ഒ. വെസ്റ്റ് നടക്കാവ്, പിന്. 673577, കോഴിക്കോട് എന്ന വിലാസത്തില് അയക്കേണ്ടതാണ്. തിരഞ്ഞെടുക്കപ്പെടുന്ന രചനകളില് ഒന്നും, രണ്ടും, മൂന്നും സ്ഥാനക്കാര്ക്ക് പീപ്പിള്സ് റിവ്യൂ സാഹിത്യ പുരസ്ക്കാരം സമ്മാനിക്കും. ക്യാമ്പില് പങ്കെടുക്കുന്നവര്ക്കെല്ലാം സര്ട്ടിഫിക്കറ്റ് നല്കുന്നതാണ്. സാഹിത്യ ക്യാമ്പില് പങ്കെടുക്കുന്നവര് സെപ്തംബര് 5നകം പേര് രജിസ്റ്റര് ചെയ്യേണ്ടതാണ്. ക്യാമ്പ് രജിസ്ട്രേഷന് ഫീ 300 രൂപയാണ്. വിശദ വിവരങ്ങള്ക്ക് 9037319971 എന്ന നമ്പറില് ബന്ധപ്പെടേണ്ടതാണ്.
സാഹിത്യ ക്യാമ്പ് ലോഗോ പ്രകാശനം ചെയ്തു
