മേപ്പാടി: മുണ്ടക്കൈ ചൂരല്‍മല ഉരുള്‍പൊട്ടല്‍ ദുരന്തബാധിതര്‍ക്കായുള്ള സി.എസ്.ഐ മലബാര്‍ മഹായിടവകയുടെ പുനരധിവാസ പദ്ധതിയായ ആര്‍ദ്രം പദ്ധതിയുടെ ശിലാ സ്ഥാപനം നടന്നു. രാവിലെ 9.30 ന് മലബാര്‍ മഹായിടവക ബിഷപ്പ് റൈറ്റ്. റവ. ഡോ. റോയ്സ് മനോജ് വിക്ടര്‍ മുഖ്യകാര്‍മ്മികത്വത്തില്‍ ശിലാസ്ഥാപനം നിര്‍വ്വഹിച്ചു. മേപ്പാടി തൃക്കൈപ്പറ്റ നെല്ലിമാളത്ത് 1.10 ഏക്കര്‍ ഭൂമിയില്‍ 16 വീടുകളാണ് ആര്‍ദ്രം പദ്ധതിയില്‍ നിര്‍മ്മിക്കുന്നത്. ശിലാസ്ഥാപന ചടങ്ങില്‍ സി.എസ്.ഐ മധ്യകേരള മഹായിടവക ബിഷപ്പ് റൈറ്റ്. റവ. ഡോ. മലയില്‍ സാബു കോശി ചെറിയാന്‍, മലബാര്‍ മഹായിടവക വൈദിക സെക്രട്ടറി റവ. ജേക്കബ് ഡാനിയേല്‍, അല്‍മായ സെക്രട്ടറി കെന്നറ്റ് ലാസര്‍, ട്രഷറര്‍ റവ. ഷൈന്‍ സി. കെ, റവ. ഡോ ടി ഐ ജെയിംസ്, പ്രോപ്പര്‍ട്ടി സെക്രട്ടറി ജോണ്‍സണ്‍ ആന്റോ, മധ്യകേരള മഹായിടവക യുവജന ബോര്‍ഡ് സെക്രട്ടറി റവ. നിബു സ്‌കറിയ, യൂത്ത് ജനറല്‍ സെക്രട്ടറി റവ. സിബി മാത്യു തുടങ്ങിയവരും പങ്കെടുത്തു.
