കാലിക്കറ്റ് കലാമന്ദിര്‍ ലതാമങ്കേഷ്‌കര്‍ ഗാനാജ്ഞലി 29ന്
കോഴിക്കോട്: നഗരത്തിലെ സംഗീത കൂട്ടായ്മയായ കാലിക്കറ്റ് കലാമന്ദിര്‍ സംഘടിപ്പിക്കുന്ന ലതാമങ്കേഷ്‌കര്‍ ഗാനാഞ്ജലി നാളെ വൈകീട്ട് ആറിന് കുറ്റിച്ചിറ ഓപ്പണ്‍ സ്റ്റേജില്‍ നടക്കുമെന്ന് പ്രസിഡന്റ് ഫിറോസ് ഹിബയും ജന.സെക്രട്ടറി മുഹമ്മദലി വി യും വാര്‍ത്താ സമ്മേളനത്തില്‍ പറഞ്ഞു. മേയര്‍ ബീനാഫിലിപ്പ് ഉദ്ഘാടനം ചെയ്യും. കെ.പി നജീബ് മംഗളപത്ര സമര്‍പ്പണം നിര്‍വഹിക്കും. കൗണ്‍സിലര്‍മാരായ കെ മൊയ്തീന്‍ കോയ, എസ് കെ അബൂബക്കര്‍, മുന്‍ കൗണ്‍സിലര്‍ കെപി അബ്ദുള്ളക്കോയ,എംഎഎ പ്രസിഡന്‍്‌റ് കെ സലാം ആശംസ നേരും. കാരാടന്‍ സുലൈമാന്‍ (കാരാടന്‍ ലാന്റ് ), അലിഭായ് (എജിസി ഗ്രൂപ്പ്) നഅ്മത് (റോഡ് വെ) സന്നിഹിതരായിരിക്കും. നസിയ റഫീക്കും സംഗവും അവതരിപ്പിക്കുന്ന 28 ഓളം ഗാനങ്ങളാണ് അവതരിപ്പിക്കുക. വി മുഹമ്മദലി സ്വാഗതവും എംപി മൊയ്തീന്‍ കോയ നന്ദിയും പറയും.
