ക്യൂട്ടിക്കോണ്‍ കേരള 2024 30നും ഒന്നിനും
കോഴിക്കോട്: സംസ്ഥാനത്തെ ത്വക്ക് രോഗ വിദഗ്ധരുടെ വാര്‍ഷിക സമ്മേളനം ക്യൂട്ടിക്കോണ്‍ കേരള 2024 ക്യൂട്ടിക്കോണ്‍ കേരള 2024 30നും ഒന്നിനും കാലിക്കറ്റ് ട്രേഡ് സെന്ററില്‍ നടക്കുമെന്ന് ഓര്‍ഗനൈസിംഗ് കമ്മിറ്റി ചെയര്‍പേഴ്‌സണ്‍ ഡോ.ടി രേണുക വാര്‍ത്താ സമ്മേളനത്തില്‍ പറഞ്ഞു. ഇന്ത്യന്‍ അസോസിയേഷന്‍ ഓഫ് ഡെര്‍മറ്റോളജിസ്റ്റ്സ്, വെനറിയോളജിസ്റ്റ്സ് ആന്‍ഡ് ലെപ്രോളജിസ്റ്റ്‌സിന് കേരള ശാഖയും മലബാര്‍ ഡര്‍മറ്റോളജി ക്ലബ്ബും സംയുക്തമായാണ് സമ്മേളന സംഘടിപ്പിക്കുന്നത്. ത്വക്ക് രോഗ ചികിത്സാരീതികളില്‍ വന്നിട്ടുള്ള നൂതന ചികിത്സാരീതികളും മരുന്നുകളും ആണ് സമ്മേളന പ്രമേയം. ഉദ്ഘാടന ചടങ്ങില്‍ ഐഎഡിവിഎല്‍ സംസ്ഥാന പ്രസിഡണ്ടായി മിംസ് ആശുപത്രിയിലെ ത്വക്ക് രോഗ വിദഗ്ധന്‍ ഡോ.എസ് വി രാകേഷ് ചുമതലയേല്‍ക്കും. സമ്മേളനം ഡോ. കെ പവിത്രന്‍, ഡോ. ലക്ഷമി വി നായര്‍, ഡോ. ഗോവിന്ദന്‍ നായര്‍ എന്നിവര്‍ ചേര്‍ന്ന് ഭദ്ര ദീപം കൊളുത്തി ഉദ്ഘാടനം ചെയ്യും
. മുന്‍ അഖിലേന്ത്യാ പ്രസിഡന്റ് ഡോ. കുരി ഐപ്പ് മുഖ്യാതിഥിയാകും. വിദഗ്ധരായ ത്വക്ക് രോഗ ഡോക്ടര്‍മാര്‍ പ്രബന്ധങ്ങള്‍ അവതരിപ്പിക്കും. വാര്‍ത്താ സമ്മേളനത്തില്‍ ഡോ.ഗീത ഗോപാലകൃഷ്ണന്‍, ഡോ അനീഷ, ഡോ. ജനാര്‍ദനന്‍ എന്നിവരും പങ്കെടുത്തു.
