കോഴിക്കോട് റവന്യു ജില്ലാ സ്‌കൂള്‍ കലോത്സവത്തില്‍ ആദ്യ സ്ഥാനങ്ങളില്‍ എത്തുന്നവര്‍ക്കും സംസ്ഥാന കലോത്സവത്തിന് അര്‍ഹത ലഭിക്കുന്നവര്‍ക്കുമുള്ള ട്രോഫികളും സര്‍ട്ടിഫിക്കറ്റുകളും വിതരണം ആരംഭിച്ചു, അഹമ്മദ് ദേവര്‍കോവില്‍ എം എല്‍ എ വിതരണം ഉല്‍ഘാടനം ചെയ്തു. ട്രോഫി കമ്മിറ്റി വൈസ് ചെയര്‍മാന്‍ പി പി ഫിറോസ്, കണ്‍വീനര്‍ ഷജീര്‍ ഖാന്‍, കോ കണ്‍വീനവര്‍ പി ജാഫര്‍,ഇ സി നൗഷാദ്, സകരിയ സി ,പി എം മുഹമ്മദലി, റഷീദ് പുനൂര്‍, എം എ സാജിദ് തുടങ്ങിയവര്‍ സംബന്ധിച്ചു.
സാഹിത്യ നഗരിയിലെ കലോത്സവ വിജയികള്‍ക്കായി ട്രോഫി കമ്മിറ്റി 32-ഓളം ഓവറോള്‍ സ്ഥിരം ട്രോഫികളും 1000-ഓളം മെമെന്റൊകളും ഒരുക്കിയിട്ടുണ്ട്. ഓരോ മത്സരം കഴിയുമ്പോഴും വിജയികള്‍ക്ക് ലൈവ് ആയി ട്രോഫികള്‍ വിതരണം ചെയ്യും.കേരള അറബിക് മുന്‍ഷീസ് അസോസിയേഷന്‍ നേതൃത്വം നല്‍കുന്ന ട്രോഫി കമ്മിറ്റി ബി ഇ എം ഹയര്‍സെക്കന്ററി സ്‌കൂളിലാണ് പ്രവര്‍ത്തിക്കുന്നത്.
