ടെല്അവീവ്: ഗാസ ഭൂമിയിലെ നരകമായി മാറിയെന്ന് ഐക്യരാഷ്ട്ര സഭയുടെ മാനുഷിക വിഭാഗം കാര്യാലയം.ഓരോ പത്ത് മിനിട്ടിലും ഒരു കുട്ടി വീതം ഗാസയില് കൊല്ലപ്പെടുന്നുവെന്ന് ലോകാരോഗ്യ സംഘടന. കുട്ടികള്ക്ക് നേരേയുള്ള അതിക്രമം അവസാനിപ്പിക്കണമെന്ന് ഫ്രഞ്ച് പ്രസിഡന്റ് ഇമ്മാനുവേല് മാക്രോണ് ഇസ്രയേലിനോട് ആവശ്യപ്പെട്ടു. കുട്ടികളുടെ ആശുപത്രിക്ക് നേരെയും വടക്കന് ഗാസയിലെ അല് ഷിഫ ആശുപത്രിയുടെ നേരെയും ഇസ്രയേല് സൈന്യം വീണ്ടും ആക്രമണം നടത്തി. തെക്കന് ഗാസയിലേക്ക് പലായനം ചെയ്യുകയായിരുന്ന നിരവധി പലസ്തീനികളും വ്യോമാക്രമണത്തില് കൊല്ലപ്പെട്ടു.
