കോട്ടയം: പാമ്പ് കയറിയതിനെ തുടർന്ന് ഓടിക്കൊണ്ടിരുന്ന ലോറി അപകടത്തിൽ പെട്ടു. ഗിയർ മാറ്റാൻ ശ്രമിക്കുന്നതിനിടെയാണ് ഡ്രൈവർ പാമ്പിനെ കണ്ടത്. ഇതോടെ വാഹനത്തിന്റെ നിയന്ത്രണം നഷ്ടപ്പെടുകയായിരുന്നു. തുടർന്ന് ലോറി സമീപത്തെ ഒരു മതിലിലേക്ക് ഇടിച്ചുകയറി മറിഞ്ഞു.
കോട്ടയം പിണ്ണാക്കനാട് പൈഗറൂട്ടില്‍ മല്ലികശ്ശേരിക്ക് സമീപം തിങ്കളാഴ്ച രാവിലെ 9.15-ഓടെയാണ് അപകടം. വിളക്കുമാടത്തുനിന്ന് മല്ലികശ്ശേരിയിലേക്ക് വീടുനിര്‍മാണത്തിനുള്ള പാറപ്പൊടി കയറ്റിപ്പോവുകയായിരുന്നു ലോറി.
അപകടത്തില്‍ ആര്‍ക്കും പരിക്കുകളില്ല. ലോറിയുടെ മുന്‍ഭാഗം തകര്‍ന്നു. ലോറി ഇടിച്ചുമറിഞ്ഞയുടന്‍ തന്നെ പാമ്പും വാഹനത്തില്‍നിന്ന് പുറത്തുകടന്ന്‌ സമീപപ്രദേശത്തേക്ക് കയറിപ്പോയി.
