ഒരാളുടെ ആരോഗ്യനില മനസ്സിലാകാന്‍ അയാളുടെ നഖങ്ങള്‍ ശ്രദ്ധിച്ചാല്‍ മതി. പോഷക കുറവുകളും അനാരോഗ്യവും മനസ്സിലാക്കാന്‍ ഇവ ധാരാളമാണ്. കാരണം നഖങ്ങള്‍ ഓരാളുടെ ആരോഗ്യത്തിന്റെ പ്രതിഫലനമാണ്. നഖത്തിന്റെ ആരോഗ്യം സൂചിപ്പിക്കുന്ന ചില ആരോഗ്യപ്രശ്നങ്ങളിതാ.
പൊട്ടുന്ന നഖങ്ങള്‍: നിങ്ങളുടെ നഖങ്ങള്‍ എളുപ്പത്തില്‍ പൊട്ടുകയോ പിളരുകയോ ചെയ്യുകയാണെങ്കില്‍, അത് പോഷകാഹാരക്കുറവിന്റെ ലക്ഷണമാകാം.
മഞ്ഞനിറം അല്ലെങ്കില്‍ നിറവ്യത്യാസം: നഖങ്ങളുടെ മഞ്ഞ, തവിട്ട് അല്ലെങ്കില്‍ പച്ചകലര്‍ന്ന നിറവ്യത്യാസം തൈറോയ്ഡ് സംബന്ധിയായ ആരോഗ്യപ്രശ്നങ്ങള്‍, ഫംഗസ്ബാധ അല്ലെങ്കില്‍ സോറിയാസിസ് എന്നിവയെ സൂചിപ്പിക്കാം. കൃത്യമായ രോഗനിര്‍ണ്ണയത്തിനായി ഡോക്ടറെ സമീപിക്കേണ്ടത് അത്യാവശ്യമാണ്.
നഖങ്ങള്‍ പിളരുന്നത് : നിങ്ങളുടെ നഖങ്ങള്‍ പൊളിയുകയോ പാളികളായി പിളരുകയോ ചെയ്താല്‍, അത് വെള്ളമായോ അല്ലെങ്കില്‍ ഡിറ്റര്‍ജെന്റുകള്‍ അടക്കമുള്ള രാസവസ്തുക്കളുമായോ ഉള്ള അമിതമായ സമ്പര്‍ക്കം മൂലമാകാം. വിറ്റാമിനുകളുടെയോ ധാതുക്കളുടെയോ കുറവ് മൂലവും ഇത് സംഭവിക്കാം.
നഖത്തിലുണ്ടാകുന്ന വരകള്‍: നഖത്തില്‍ കാണുന്ന നീളത്തിലുള്ള ലംബ വരകള്‍ പ്രായമാകുന്നതിന്റെയോ പോഷകാഹാരക്കുറവിന്റെയോ അടയാളമായിരിക്കാം.
പതുക്കെയുള്ള വളര്‍ച്ച: നിങ്ങളുടെ നഖങ്ങള്‍ സാവധാനത്തില്‍ വളരുന്നുവെങ്കില്‍ അല്ലെങ്കില്‍ വളര്‍ച്ച പൂര്‍ണ്ണമായും നിലച്ചതായി തോന്നുകയാണെങ്കില്‍, അത് രക്തചംക്രമണം, പോഷകങ്ങളുടെ അപര്യാപ്തത, ഹോര്‍മോണ്‍ അസന്തുലിതാവസ്ഥ പോലുള്ള അനാരോഗ്യകരമായ അവസ്ഥകളെ സൂചിപ്പിക്കാം.
വെളുത്ത പാടുകളും വരകളും: നഖങ്ങളിലെ ചെറിയ വെളുത്ത പാടുകളും വരകളും പൊതുവെ നിരുപദ്രവകരമാണ്. എന്നിരുന്നാലും, അവ ഫംഗസ് അണുബാധയുടെയോ ശരീരത്തിലെ സിങ്കിന്റെയോ ഇരുമ്പിന്റെയോ അടയാളമായിരിക്കാം.
ക്ലബിംഗ്: നഖത്തിനും വിരലിനുമിടയിലുള്ള ആംഗിളില്‍ വരുന്ന മാറ്റമാണ് ക്ലബ്ബിംഗ്. ഇത് രക്തത്തിലെ ഓക്‌സിജന്റെ അളവ് കുറയുന്നതിന്റെയോ ശ്വാസകോശ രോഗങ്ങളുടെയോ ചില ഹൃദ്രോഗങ്ങളുടെയോ ലക്ഷണമാകാം.
നഖത്തിലെ അണുബാധ: നഖത്തിന് ചുറ്റുമുള്ള ചുവപ്പ് നിറം, വീക്കം, വേദന, പഴുപ്പ് എന്നിവ ബാക്ടീരിയ അല്ലെങ്കില്‍ ഫംഗസ് അണുബാധയെ സൂചിപ്പിക്കാം. സ്ത്രീകളിലാണ് ഇത് കൂടുതലായി കാണുന്നത്. ഡിറ്റര്‍ജന്റുകള്‍ അല്ലെങ്കില്‍ പാത്രം കഴുകുന്ന ഡിഷ് വാഷര്‍ എന്നിവയില്‍ കാരണവും നഖങ്ങളില്‍ പഴുപ്പ് വരാം.
സ്പൂണിംഗ്: നിങ്ങളുടെ നഖങ്ങള്‍ കോണ്‍കേവ് അല്ലെങ്കില്‍ സ്പൂണ്‍ ആകൃതിയില്‍ കാണപ്പെടുന്നു, അരികുകളില്‍ മുകളിലേക്ക് വളഞ്ഞാല്‍, അത് വിളര്‍ച്ച, ഹൃദ്രോഗം അല്ലെങ്കില്‍ ഹൈപ്പോതൈറോയിഡിസം എന്നിവയുടെ ലക്ഷണമാകാം.
