കോഴിക്കോട്: ശാസ്ത്ര-സാങ്കേതിക രംഗത്ത് പ്രകടമായ മാറ്റങ്ങള്‍ സമീപ വര്‍ഷങ്ങളില്‍ കാണാന്‍ കഴിഞ്ഞതായി 30ാമത് സ്വദേശി സയന്‍സ് കോണ്‍ഗ്രസ് ഉദ്ഘാടനം ചെയ്തുകൊണ്ട് ഇന്ത്യാ ഗവണ്‍മെന്റിന്റെ ശാസ്ത്ര സാങ്കേതിക വകുപ്പ് സെക്രട്ടറി ഡോ. ചന്ദ്രശേഖര്‍. ശാസ്ത്രത്തിന്റെ ഏതെങ്കിലും ശാഖയില്‍ ഗവേഷണം നടത്തുന്നതിന് ഇന്ത്യന്‍ തത്വചിന്തയില്‍ അന്തര്‍ലീനമായ സുസ്ഥിരത ആശയങ്ങള്‍ കൊണ്ടുവരാനും അത്തരം മാതൃകകള്‍ പഠിക്കാന്‍ മറ്റ് രാജ്യങ്ങളെ ഇന്ത്യയിലേക്ക് ആകര്‍ഷിക്കാനും അദ്ദേഹം ശാസ്ത്രജ്ഞരോട് ആഹ്വാനം ചെയ്തു. എന്‍.ഐ.ടി.സി ഡയറക്ടര്‍ ഡോ. പ്രസാദ് കൃഷ്ണ, കോഴിക്കോട് ഐ.ഐ.എം ഡയറക്ടര്‍ ഡോ. ദേബാഷിസ് ചാറ്റര്‍ജി എന്നിവര്‍ ഫോക്കല്‍ തീം: ‘സുസ്ഥിര ജീവിതശൈലിക്ക് സമഗ്രമായ സമീപനം – ഇന്ത്യന്‍ വിജ്ഞാന വ്യവസ്ഥയില്‍ നിന്നുള്ള കാഴ്ചപ്പാടുകള്‍ ‘ എന്ന വിഷയത്തില്‍ മുഖ്യപ്രഭാഷണം നടത്തി.
പരമേശ്വര്‍ .ജി അനുസ്മരണ പ്രഭാഷണം എന്‍.ഐ.ടി.സി ഡയറക്ടര്‍ ഡോ.പ്രസാദ് കൃഷ്ണന്‍ നിര്‍വഹിച്ചു. എന്‍.ഐ.ടി.സി ഡോ. എ സുജിത്ത് സര്‍ സി.വി രാമന്‍ അനുസ്മരണ പ്രഭാഷണം നടത്തി. സ്വദേശി ശാസ്ത്ര പ്രസ്ഥാനം കേരള പ്രസിഡന്റ് ഡോ.കെ.മുരളീധരന്‍ അധ്യക്ഷത വഹിച്ചു. എന്‍.ഐ.ടി.സിയിലെ ഇന്ത്യന്‍ നോളജ് സിസ്റ്റം പ്രൊഫസര്‍ സി.ശ്രീധരന്‍ സ്വാഗതവും എന്‍.ഐ.ടി.സി ഡോ. ആഷിസ് അവസ്തി നന്ദിയും പറഞ്ഞു. ചടങ്ങില്‍ സംസാരിച്ച മറ്റ് പ്രമുഖര്‍ വിവേകാനന്ദ പൈ, ദേശീയ സെക്രട്ടറി വിജ്ഞാന ഭാരതി, ഡോ.എ.ആര്‍.എസ് മേനോന്‍, രാജീവ് നായര്‍ (സ്വദേശി സയന്‍സ് മൂവ്മെന്റ് കേരള), ഡോ. ശ്യാമസുന്ദര .എം, രജിസ്ട്രാര്‍, എന്‍.ഐ.ടി.സി രാജ്യത്തിന്റെ വിവിധ ഭാഗങ്ങളില്‍ നിന്നുള്ള 250ലധികം പ്രതിനിധികള്‍ മൂന്ന് ദിവസത്തെ കോണ്‍ഗ്രസില്‍ പങ്കെടുക്കുന്നുണ്ട്.
