ന്യൂമാഹി: ന്യൂമാഹി ഗ്രാമപഞ്ചായത്ത് നടത്തുന്ന കലാസാംസ്‌കാരിക മേള ന്യൂമാഹി ഫെസ്റ്റ് 21 മുതല്‍ 31 വരെ ന്യൂമാഹി ടൗണിന് സമീപം ജി.എച്ച്.എ ഗ്രൗണ്ടില്‍ പ്രത്യേകം സജ്ജമാക്കിയ വേദിയില്‍ നടക്കും. ഫെസ്റ്റ് തുടങ്ങുന്ന 21നും സമാപിക്കുന്ന 31നും മെഗാഷോകള്‍ നടക്കും. 22 മുതല്‍ 30 വരെയുള്ള ഒമ്പത് ദിവസം പ്രാദേശിക കൂട്ടായ്മകളും പ്രദേശിക കലാകാരന്മാരും അവതരിപ്പിക്കുന്ന വിവിധ കലാസാംസ്‌കാരിക പരിപാടികള്‍ അരങ്ങേറും. വിവിധ പ്രദര്‍ശനങ്ങള്‍, സ്റ്റാളുകള്‍ എന്നിവ ഫെസ്റ്റിന്റെ ഭാഗമായി ഉണ്ടാവും. ഈ ദിവസങ്ങളില്‍ ന്യൂമാഹി ബോട്ട് ജെട്ടിയില്‍ നിന്നും ബോട്ട് സവാരി നടത്താനും സൗകര്യം ഏര്‍പ്പെടുത്തും. സംഘാടക സമിതി ഭാരവാഹികളായി അര്‍ജുന്‍ പവിത്രന്‍ (ചെയര്‍), കെ.ജയപ്രകാശ്, പി.സി.റിസാല്‍, തയ്യില്‍ രാഘവന്‍, എന്‍.കെ.പ്രേമന്‍, ശശി കൊളപ്രത്ത് (വൈ. ചെയര്‍), കെ.എ. ലസിത (കണ്‍), ആര്‍. അരുണ്‍ ജിതേഷ്, വി.കെ. തമീം, ടി.എ.ഷര്‍മിരാജ് (ജോ. കണ്‍) എന്നിവരെ തിരഞ്ഞെടുത്തു.
