കോഴിക്കോട്: സാമൂഹിക നന്മക്ക് വേണ്ടിയുള്ള മാധ്യമപ്രവര്‍ത്തനമാണ് പീപ്പിള്‍സ് റിവ്യൂ നടത്തുന്നതെന്നും തിന്മകള്‍ക്കും അനീതിക്കെതിരേയുള്ള സമൂഹത്തിന്റെ പടവാളായി മാറാന്‍ പീപ്പിള്‍സ് റിവ്യൂവിന് സാധിക്കട്ടെയെന്ന് ഫോര്‍മര്‍ പഞ്ചായത്ത് മെമ്പേഴ്‌സ് അസോസിയേഷന്‍ ദേശീയ ഓര്‍ഗനൈസേഷന്‍ സെക്രട്ടറിയും സാമൂഹിക പ്രവര്‍ത്തകനുമായ കരീം പന്നിത്തടം അഭിപ്രായപ്പെട്ടു. പീപ്പിള്‍സ് റിവ്യൂ ഓഫിസ് സന്ദര്‍ശിക്കാനെത്തിയ അദ്ദേഹത്തെ ചീഫ് എഡിറ്റര്‍ പി.ടി നിസാര്‍ സ്വീകരിച്ചു. പാര്‍ശ്വവല്‍ക്കരിക്കപ്പെട്ടവര്‍ക്കും പ്രകൃതിസമ്പത്ത് ചൂഷണം ചെയ്യുന്നവര്‍ക്കെതിരേയും സാമൂഹിക വിപത്തുകള്‍ക്കെതിരേയും മാധ്യമശൈലി തുടരണം. പീപ്പിള്‍സ് റിവ്യൂ പബ്ലിക്കേഷനില്‍ നിന്ന് പ്രസിദ്ധീകരിക്കുന്ന പ്രവാസി റിവ്യൂ മാഗസിന്‍ പ്രവാസി സമൂഹത്തിന് അത്താണിയാണെന്നും വനിതകളുടെ ഉന്നമനത്തിനായി പ്രസിദ്ധീകരിക്കുന്ന മഹിളാവീഥിയും ശ്രദ്ധേയമാണെന്നും ശക്തമായി ജനപക്ഷത്ത് തുടരാന്‍ സാധിക്കട്ടെയെന്നും അദ്ദേഹം ആശംസിച്ചു.
