തലശ്ശേരി: എന്‍ജിനീയറിങ് കോളേജില്‍ എന്‍.സി.സിയുടെ യൂണിറ്റ് അനുവദിച്ചു.രണ്ട് പ്ലാറ്റൂണുകളിലായി 106 കുട്ടികള്‍ക്ക് അവസരം ലഭിക്കും. തലശ്ശേരി കേന്ദ്രമാക്കി പ്രവര്‍ത്തിക്കുന്ന ഒരുകേരളാ ആര്‍ട്ടില്ലറി ബാറ്ററിയുടെ ആണ്, പെണ്‍ കുട്ടികള്‍ ഉള്‍പ്പെടുന്ന മിക്‌സഡ് യൂണിറ്റ് ആണ് ലഭിച്ചത്. ഈ വര്‍ഷം കോളേജില്‍ അഡ്മിഷന്‍ എടുക്കുന്ന കുട്ടികള്‍ക്ക് എന്‍.സി.സിയില്‍ ചേരാം. കോളേജിലെ അഡ്മിഷന്‍ ഹെല്‍പ് ഡെസ്‌ക് വഴി കുട്ടികള്‍ക്ക് എന്‍ട്രന്‍സ് ഓപ്ഷന്‍ നല്‍കാവുന്നതാണ്. കേരളത്തില്‍ വളരെ ചുരുക്കം എന്‍ജിനീയറിങ് കോളേജില്‍ മാത്രമേ എന്‍.സി.സി യൂണിറ്റ് ഉള്ളൂ. സായുധ സേനകളില്‍ ഓഫിസര്‍ ആകാന്‍ താല്‍പര്യമുള്ള എന്‍ജിനീയറിങ് വിദ്യാര്‍ഥികള്‍ക്ക് കോളേജിലെ പുതിയ എന്‍.സി.സി യൂണിറ്റ് മികച്ച അവസരം ആയിരിക്കുമെന്ന് കോളേജ് പ്രിന്‍സിപ്പാള്‍ ഡോ.ബീന വി.ഐ പ്രസ്താവനയില്‍ അറിയിച്ചു. ഫോണ്‍:6238340901.
