തിരുവനന്തപുരം: കോണ്ഗ്രസ് നേതാവും മുന് എം എല് എയും എ ഐ സി സി കര്ണാടക ഇന്ചാര്ജുമായിരുന്ന ഷാനിമോള് ഉസ്മാനും കുടുംബാംഗങ്ങളും 100 കോടി വിലമതിക്കുന്ന എന്ആര്ഐ ഹോട്ടല് സമുച്ചയം അനധികൃതമായി കൈവശപ്പെടുത്താന് ശ്രമിക്കുന്നതായി സ്ഥാപനത്തിന്റെ പ്രൊപ്രൈറ്റര് ജോസഫ് ചാക്കോയും ലീഗല് അഡൈ്വസര് അഡ്വ.കെ.സി.ഫിലിപ്പും വാര്ത്താസമ്മേളനത്തില് പറഞ്ഞു.
എന്ആര്ഐ ഉടമകള്ക്ക് അവരുടെ വിരമിക്കല് കാലത്ത് മാസവരുമാനം എന്ന നിലയില് തുടങ്ങിയ ഹോട്ടല് അപ്പാര്ട്ട്മെന്റ് സമുച്ചയം ശക്തമായ രാഷ്ട്രീയ-പോലീസ് ബന്ധമുള്ള ഒരു മുതിര്ന്ന പോലീസ് ഉദ്യോഗസ്ഥന് നയിച്ച ഭൂമിമാഫിയ സംഘം ബലമായി കൈവശപ്പെടുത്തുകയും അവര് അനധികൃതമായി ഞങ്ങളുടെ സ്ഥലങ്ങളില് കയറി ബോര്ഡുകള് സ്ഥാപിച്ച് അവയില് ഉടമസ്ഥാവകാശം അവകാശപ്പെടുകയും അവരുടെ ഫോണ് നമ്പറുകളും പ്രദര്ശിപ്പിക്കുകയും ചെയ്തു. കൂടാതെ നിരവധി വ്യാജ പോലീസ് കേസുകളും ഫയല് ചെയ്തു. അവരുടെ രാഷ്ട്രീയ സ്വാധീനം ഉപയോഗിച്ച് വ്യാജ രേഖകള് സൃഷ്ടിച്ച് ഈ അനധികൃത കൈവശപ്പെടുത്തലിന് നിയമപരമായ രൂപം നല്കാന് ശ്രമിക്കുകയും ചെയ്തു. തുടര്ച്ചയായ ഭീഷണികളും പീഡനങ്ങളും ശാരീരിക ആക്രമണ ഭീഷണികളും കാരണം ഞങ്ങള്ക്ക് ബംഗളൂരുവിലേക്ക് എത്തി സ്വത്തുക്കള് സംരക്ഷിക്കാന് കഴിയാത്ത സാഹചര്യം ഉണ്ടായി.
എന്നാല് പോലീസ് സമ്മര്ദ്ദവും ഗുണ്ടാസംഘങ്ങളുടെയും ഭീഷണിയും മൂലം ഞങ്ങളെ അകറ്റിനിര്ത്തിയിരിക്കുമ്പോള് വ്യാജ രേഖകള് തയ്യാറാക്കി ഞങ്ങളുടെ പല സ്വത്തുക്കളും മറ്റുള്ളവരുടെ പേരിലേക്ക് മാറ്റപ്പെട്ടു. ജീവിതകാലം മുഴുവന് കഠിനാധ്വാനം ചെയ്ത് സമ്പാദിച്ച സ്വത്തുക്കള് പലര്ക്കും നഷ്ടമായി. എങ്കിലും ”ക്രൗണ് പ്ലാസ ഇന്റര്നാഷണല്” എന്ന ഹോട്ടല് അപ്പാര്ട്ട്മെന്റ് സമുച്ചയം ഞങ്ങള്ക്ക് രക്ഷിക്കാനായി.ഈ പ്രതിസന്ധിക്ക് പരിഹാരം കാണാന് ജോസഫ് ചാക്കോ അന്ന് ഐഐസിസിയുടെ കര്ണാടക ഇന്ചാര്ജായിരുന്ന ഷാനിമോള് ഉസ്മാനെ സമീപിച്ചു. പ്രശ്നം പരിഹരിക്കാന് കഴിയുമെന്ന പ്രതീക്ഷയിലായിരുന്നു സമീപനം. അവര് തങ്ങള്ക്ക് പ്രാദേശിക ഭൂമിമാഫിയ പ്രശ്നം തന്റെ രാഷ്ട്രീയ സ്വാധീനത്തിലൂടെ പരിഹരിക്കാമെന്നും, താന് രാഹുല്ജിയോടു അടുത്ത ബന്ധമുള്ള ആളാണെന്നും പറഞ്ഞു.
പല ഘട്ടങ്ങളിലും കാര് വാങ്ങുന്നതിനും വീട് നവീകരിക്കുന്നതിനും മറ്റുമായി സാമ്പത്തികമായി ഷാനിമോള് ഉസ്മാന് പണം തോമസ് ചാക്കോയില് നിന്ന് കൈക്കലാക്കിയിരുന്നു.പിന്നീട് ഷാനിമോള് ഉസ്മാനും അവരുടെ മകളും ഗള്ഫില് നിന്ന് മടങ്ങിയെത്തിയ തൊഴിലില്ലാത്ത മരുമകനും ചേര്ന്ന് ഞങ്ങളുടെ ”ക്രൗണ് പ്ലാസ ഇന്റര്നാഷണല്” സമുച്ചയത്തിലെ ചില അപ്പാര്ട്ട്മെന്റുകളും റെസ്റ്റോറന്റും വാടകയ്ക്ക് നടത്താന് അനുവദിക്കണമെന്ന് അഭ്യര്ത്ഥിച്ചു. വിശ്വാസത്തോടെ ജോസഫ് ചാക്കോ അതിന് സമ്മതിച്ചു.
പ്രതിമാസം 1,25,000 വാടക നല്കാമെന്നായിരുന്നു അവരുടെ വാഗ്ദാനം. എന്നാല് പിന്നീട് അവര് തയ്യാറാക്കിയ കരാറില് വാടക ”മൂന്ന് മാസത്തിലൊരിക്കല്” നല്കേണ്ടതാണെന്ന രീതിയില് മാറ്റി രേഖപ്പെടുത്തി. തിരുത്തിയ കരാര് ഒപ്പിടാന് അയച്ചപ്പോള്, ജോസഫ് ചാക്കോക്കെതിരേ ഭീഷണിപ്പെടുത്തിയെന്നാരോപിച്ച് അവര് തന്നെ പരാതി നല്കുകയായിരുന്നു.
ഇപ്പോള് ഞങ്ങള് ‘ ചെകുത്താനും ആഴക്കടലും ഇടയിലായ” അവസ്ഥയിലാണ്. ബംഗളൂരുവിലെ ഭൂമിമാഫിയ-പോലീസ് ബന്ധത്തില് നിന്ന് സംരക്ഷണം നേടാനായിരുന്നു ഞങ്ങള് ഷാനിമോള് ഉസ്മാനെ സമീപിച്ചത്. പക്ഷേ ഇന്ന് അവര് തന്നെ ഞങ്ങളുടെ സ്വത്തുകള് കൈവശപ്പെടുത്താനുള്ള ശ്രമത്തിലാണ്.
ആദ്യമായി ഷാനിമോള് ഉസ്മാന് ഞങ്ങളുടെ സമുച്ചയത്തിലെ 215-ലധികം അപ്പാര്ട്ട്മെന്റുകളില് നിന്ന് 20 അപ്പാര്ട്ട്മെന്റുകള് നിയന്ത്രണത്തിലാക്കി. പിന്നീട് ഒരു
MOUയും 11 മാസത്തെ കരാറും ഒപ്പുവെച്ചിട്ടും ഒരു അഡ്വാന്സും നല്കിയില്ല. അതിന് ശേഷം ”ക്രൗണ് പ്ലാസ ഇന്റര്നാഷണല്” എന്ന ഞങ്ങളുടെ ബോര്ഡ് നീക്കം ചെയ്ത് ‘
‘Zeke Hotels’ എന്ന പേരില് പുതിയ ബോര്ഡ് സ്ഥാപിച്ചു. അതില് അവരുടെ വെബ്സൈറ്റും ഫോണ് നമ്പറുകളും പ്രദര്ശിപ്പിച്ചു, മുഴുവന് കെട്ടിടവും അവരുടേതാണെന്ന പോലെ.
തുടര്ന്ന് വ്യാജ പോലീസ് പരാതികള് നല്കി, ബില്ഡര് ജോസഫ് ചാക്കോയ്ക്കെതിരെ ഇന്ജങ്ഷന് നേടുകയും ചെയ്തു. അതിന്റെ മറവില് ബില്ഡറും എന്ആര്ഐ ഉടമകളും കെട്ടിടത്തിലേക്ക് പ്രവേശിക്കാതിരിക്കാനുള്ള സാഹചര്യം സൃഷ്ടിച്ചു. മൂന്നു വര്ഷത്തിലധികമായി അവര് ഈ ഹോട്ടല് അപ്പാര്ട്ട്മെന്റുകള് അനധികൃതമായി കൈവശം വച്ചിരിക്കുകയാണ്.
ഞങ്ങള് അവകാശം ആവശ്യപ്പെട്ടാല് ഓരോ തവണയും പുതിയ പരാതികള് നല്കി ഞങ്ങളെ പീഡിപ്പിക്കുകയും സ്വത്തുക്കളില് നിന്ന് അകറ്റി നിര്ത്തുകയും ചെയ്തു.
എന്ആര്ഐ ഉടമകള് കര്ണാടകത്തിലെ ഹോം മന്ത്രി, റവന്യൂ മന്ത്രി, എനര്ജി മന്ത്രി, ഡെപ്യൂട്ടി ചീഫ് മന്ത്രി, എന്ആര്ഐ സെല് നേതാക്കള് തുടങ്ങിയ ഉയര്ന്ന അധികാരികളെ സമീപിച്ചെങ്കിലും യാതൊരു നടപടിയും ഉണ്ടായില്ല.
അടുത്തിടെ കോടതി ഷാനിമോള് ഉസ്മാന്റെ മരുമകന് ഷാനാസ് ഷാജഹാനും അവരുടെ കൂട്ടാളികളും പൊതുസ്ഥലങ്ങള് തടയുകയോ മറ്റ് അപ്പാര്ട്ട്മെന്റുകളില് ഇടപെടുകയോ ചെയ്യരുതെന്ന് ഇന്ജങ്ഷന് ഉത്തരവ് നല്കി. എന്നാല് ആ ഉത്തരവുമായി ഞങ്ങള് സ്ഥലത്തെത്തിയപ്പോള് അവരുടെ അനുയായികള് ബില്ഡറുടെ ആളുകളെ തള്ളിക്കളഞ്ഞു, കോടതി ഉത്തരവ് തന്നെ കീറി നശിപ്പിച്ചു.
ഭൂമിമാഫിയയില് നിന്ന് സംരക്ഷണം നല്കുമെന്ന വിശ്വാസത്തോടെ സമീപിച്ച ഷാനിമോള് ഉസ്മാന് തന്നെയാണ് ഇപ്പോള് ഞങ്ങളുടെ സ്വത്തുകള് കൈവശപ്പെടുത്താന് ശ്രമിക്കുന്നത് എന്ന ദുര്ഭാഗ്യകരമായ അവസ്ഥയിലാണ് ഞങ്ങള്.അപ്പാര്ട്ട്മെന്റ് ഉടമകളില് ഭൂരിഭാഗവും കേരളത്തില് നിന്നുള്ള മുതിര്ന്ന പൗരന്മാരും എന്ആര്ഐകളും ആണ്. ജീവിതകാലം മുഴുവന് സമ്പാദിച്ച പണം നിക്ഷേപിച്ച് വിരമിക്കല് ജീവിതത്തില് ചെറിയ വരുമാനം ലഭിക്കുമെന്ന പ്രതീക്ഷയോടെയാണ് അവര് ഈ സ്വത്തുകള് വാങ്ങിയത്.
രാഷ്ട്രീയ സ്വാധീനം ദുരുപയോഗം ചെയ്ത് മുതിര്ന്ന പൗരന്മാരെ ഭീഷണിപ്പെടുത്തി അവരുടെ സ്വത്തുകള് കവര്ന്നെടുക്കുന്നഷാനിമോള് ഉസ്മാനെതിരെ നടപടിയെടുക്കണമെന്നവര് ആവശ്യപ്പെട്ടു.
വാര്ത്താസമ്മേളനത്തില് അഡ്വ.കെ.സി.ഫിലിപ്പ്, ജോസഫ് ചാക്കോ, ജോയിപ്രസാദ്, മാനുവേല് ഡി എന്നിവര് പങ്കെടുത്തു.
100 കോടി വിലമതിക്കുന്ന എന്ആര്ഐ ഹോട്ടല് അപ്പാര്ട്ട്മെന്റുകള്
ഷാനി മോള് ഉസ്മാന് തട്ടിയെടുക്കുന്നതായി പരാതി
