കോഴിക്കോട്: ലോകത്തിലെ മുഴുവന് സ്റ്റെറൈല് പ്രോസസ്സിംഗ് ടെക്നീഷ്യന്മാര്ക്കുള്ള വിദ്യാഭ്യാസവും സര്ട്ടിഫിക്കറ്റും നല്കുന്ന അസോസിയേഷനായ എച്ച്എസ്പിഎ യുടെ ഇന്ത്യന് ചാപ്റ്ററിന് അമേരിക്കയിലെ പ്രൊഫഷണല് സംഘടനയായ ദി ഹെല്ത്ത്കെയര് സ്റ്റെറൈല് പ്രോസസ്സിംഗ് അസോസിയേഷന് അംഗീകാരം നല്കി.
യുഎസ്എ ക്ക് പുറത്ത് സ്ഥാപിതമാകുന്ന നാലാമത്തെ ചാപ്റ്ററാണ് എച്ച്എസ്പിഎ ഇന്ത്യ. ഇന്ത്യന് ചാപ്റ്ററിന്റെ ഔദ്യോഗിക സോഷ്യല് മീഡിയ പേജുകളുടെ ലോഗോ പ്രകാശനം എന്എബിഎച്ച് പ്രിന്സിപ്പല് അസ്സെസ്സറും ബിഎംഎച്ച് ഹോസ്പിറ്റലുകളുടെ ക്വാളിറ്റി വിഭാഗം മേധാവിയുമായ ഗ്രേസി മത്തായി നിര്വ്വഹിച്ചു.
ഇന്ത്യന്ചാപ്റ്ററിന്റെ പ്രസിഡന്റായി കോഴിക്കോട് ആസ്റ്റര് മിംസിലെ സിഎസ്എസ്ഡി വിഭാഗം മാനേജര് നസീഹ് സിപി, സെക്രട്ടറി സിദ്ര മെഡിസിന് സീനിയര് ടെക്നീഷ്യന് ഷഹദ് കണ്ണനാരിയും, ട്രഷറര് മെഡിക്കല് സിറ്റി ഫോര് മിലിറ്ററി ആന്ഡ് സെക്യൂരിറ്റി സര്വീസ് ഹോസ്പിറ്റല് ടെക്നീഷ്യന് മുഹമ്മദ് ഷഫീക്ക് , വൈസ് പ്രസിഡണ്ട് ഷാഫി, എഡ്യൂക്കേഷന് ഡയറക്ടറായി മെര്ലി കുര്യാക്കോസിനെയും, ബോര്ഡ് മെമ്പര്മാരായി മുഹമ്മദ് ഷെരീഫ്, അഖിലേഷ് എന്നിവരെയും തിരഞ്ഞെടുത്തു.
പ്രഥമ ഇന്ത്യന് കമ്മറ്റിയുടെ പ്രസിഡന്റ് എന്ന നിലയില് അഭിമാനമുണ്ടെന്നും
ഇന്ത്യയില് സ്റ്റെറിലൈസേഷന് ടെക്നോളജിയില് ലോകനിലവാരം കൊണ്ടുവരാന് മുന്നില് നിന്ന് പ്രയത്നിക്കുകയും നൂറില്പ്പരം ഇന്റര്നാഷണല് നിലവാരത്തില്ലുള്ള ടെക്നീഷ്യന്മാരെ വാര്ത്തെടുത്ത് ഇന്ത്യക്കും ലോകത്തിനും സംഭാവന ചെയ്യുകയും ചെയ്ത പരേതനായ മൊയ്തു കെ കെ ക്ക് ഈ അംഗീകാരം സമര്പ്പിക്കുന്നതായും പ്രസിഡന്റ് നസീഹ് സിപി പറഞ്ഞു.
സ്റ്റെറൈല് മേഖലയിലെ മികച്ച രീതികള് പ്രോത്സാഹിപ്പിക്കുന്നതിലും, പ്രൊഫഷണല് വികസനം മുന്നോട്ട് കൊണ്ടുപോകുന്നതിലും, സ്റ്റെറൈല് പ്രോസസ്സിംഗ് പ്രൊഫഷണലുകള്ക്കായി ശക്തമായ ഒരു പ്രാദേശിക ശൃംഖല കെട്ടിപ്പടുക്കുന്നതിലും ഇന്ത്യന് ചാപ്റ്റര് നിര്ണായക പങ്ക് വഹിക്കുമെന്ന് സിഎസ്എസ്ഡി എഡ്യൂക്കേഷന് ഡയറക്ടര് മെര്ലി കുര്യാക്കോസ് പറഞ്ഞു.
ഹെല്ത്ത്കെയര് സ്റ്റെറൈല് പ്രോസസ്സിംഗ് അസോസിയേഷന്
(എച്ച് എസ് പി എ) ഇന്ത്യന് ചാപ്റ്റര് നിലവില് വന്നു.
